अजित पवारांनी मंत्री धनंजय मुंडे यांच्या पाठिशी राहण्याचा निर्णय

महाराष्ट्र : वाल्मिक कराड आणि पीकविमा घोटाळ्यासह इतर प्रकरणामध्ये अजित पवारांनी मंत्री धनंजय मुंडे यांच्या पाठिशी राहण्याचा निर्णय घेतला. देवगिरीच्या बैठकीत आरोप सिद्ध होत नाही तोपर्यंत राजीनामा नाही, अशी भूमिका पुन्हा एकदा घेण्यात आली आहे. तर आगामी महापालिकांसह स्थानिक स्वराज्य संस्थांच्या निवडणुकीसाठी सात जणांची कोर कमिटी स्थापन करण्यात आली. त्यातही धनंजय मुंडे यांना स्थान देण्यात आले आहे. दोन दिवसांआधीच भाजपचे आमदार सुरेश धस यांनी अजित पवारांची भेट घेण्यासाठी वेळ मागितली होती. पण दादांनी भेट नाकारली. पालकमंत्री असताना धनंजय मुंडे यांनी जिल्हा नियोजनाच्या 877 कोटींच्या निधी वाटपात दुजाभाव केल्याचा आरोप सुरेश धसांचा आहे.

हेही वाचा – शिवसृष्टीच्या दुसर्‍या टप्प्याचे शिवजयंतीला लोकार्पण; मुख्यमंत्र्यांसह उपमुख्यमंत्री राहणार उपस्थित

नुकतीच उपमुख्यमंत्री अजित पवार यांच्या देवगिरी बंगल्यावर प्रफुल्ल पटेल, सुनील तटकरे आणि धनंजय मुंडे यांच्या उपस्थितीत बैठक झाली. जवळजवळ दोन तास यामध्ये खलबतं झाली. ज्यात पुराव्यांवर बोट ठेवत अजित पवारांनी धनंजय मुंडे यांची पाठराखण केली. धनंजय मुंडे दोषी ठरत नाही तोपर्यंत कारवाई नाही असं अजित पवार म्हणाले. मुंडेवरील आरोप पुरावे देऊन जोपर्यंत स्पष्ट होत नाही तोपर्यंत कारवाई नाही. बीड प्रकरणात तिहेरी चौकशी सुरू असून अहवाल आल्यावर पुढचा निर्णय घेऊ असे अजित पवार म्हणाले.

महाईन्यूज-X वर फॉलो करा : महाईन्यूजला instagram वर फॉलो करा