breaking-newsक्रिडा
IND vs BAN : दुसऱ्या टी-२० सामन्यावर चक्रीवादळाचं ‘महा’संकट
बांगलादेशविरुद्ध टी-२० सामन्यात १-० ने पिछाडीवर पडलेला भारतीय संघ, आज राजकोटच्या मैदानावर बरोबरी करण्याच्या उद्देशाने उतरणार आहे. मात्र भारतीय संघाच्या वाटेत अरबी समुद्रात आलेल्या ‘महा’ चक्रीवादळाचं संकट आहे.
अरबी समुद्रात घोंगावणारं ‘महा’ चक्रीवादळ हे सध्या दिव-दमण पट्ट्यात आहे. त्यामुळे हवामान विभागाने राजकोट जिल्ह्यात Orange Alert जाहीर केला आहे. हवामान विभागाने दिलेल्या माहितीनुसार आज राजकोटमध्ये मुसळधार पाऊस पडण्याची शक्यता आहे. मात्र हवामान विभागाच्या अंदाजानुसार, काही कालावधीनंतर या चक्रीवादळचा प्रभाव कमी होण्याचीही शक्यता आहे. त्यामुळे आजचा सामना होणार की नाही याकडे क्रिकेट प्रेमींचं लक्ष आहे.