मावळ : नायगाव येथे मुंबई पुणे महामार्गावरील हाॅटेल शिवराजे याठिकाणी लोणावळा उपविभागीय पोलीस अधिकारी नवनीत काँवत यांच्या पथकाने शुक्रवारी रात्री छापा मारत 52 हजार 775 रुपयांचा बेकायदा दारुसाठा जप्त केला. अवैध व्यावसायकांवर धडक कारवाई करण्याचा इशारा दोन दिवसांपुर्वी काँवत यांनी दिला होता. त्यानुसार लोणावळा ते वडगाव दरम्यानच्या हाॅटेल व धाबे चालकांना हाॅटेल परिसरात बेकायदा व विना परवाना दारु विक्री करु नये अशा लेखी सुचना देऊन देखिल दारु विक्री सुरु असल्याची माहिती समजल्यानंतर ही कारवाई करण्यात आली.
