रशिया | युक्रेन युद्धामुळे कच्च्या तेलाच्या किंमतीत झालेल्या वाढीदरम्यान बाजारावर नकारात्मक ट्रेंडचे वर्चस्व असल्याने पेटीएम स्टॉकमध्ये घसरण सुरूच आहे. पेटीएमची मूळ कंपनी असलेल्या One97 Communicationsचे शेअर्स बॉम्बे स्टॉक एक्सचेंजवरील मागील सर्वकालीन निच्चांकावरून 2.8 टक्क्यांनी घसरून 732.35 रुपयांवर आले. यासह काल, कंपनीचा स्टॉक 2,150 रुपयांच्या इश्यू किंमतीपासून 66 टक्क्यांनी खाली आला. तर पेटीएमचा स्टॉक 1.89 टक्क्यांनी घसरून 739.20 रुपयांवर आला. त्याची मार्केट कॅप 50,000 कोटींवरून 47,660.04 कोटींवर आली.
महत्त्वाचे म्हणजे गेल्या पाच दिवसांत गुंतवणूकदारांच्या संपत्तीत 6.86 टक्क्यांनी घट झाली आहे, तर सेन्सेक्स काल 0.43 टक्क्यांनी घसरला. परंतु दिवसभराच्या दबावानंतर शेवटच्या तासाभरात बाजारात सेन्सेक्स आणि निफ्टीने जोरदार पुनरागमन केले. सेन्सेक्स 581 अंकांनी वाढून 53,424 वर आणि निफ्टी 150 अंकांच्या वाढीसह 16,013 वर बंद झाला.
दरम्यान, बाजारातील घसरणीबाबत तज्ज्ञ सांगतात, ‘काही कंपन्यांनी चांगला परतावा दिला असला, तरी त्यातील बहुतेकांना तोटाच झाला आहे. तुम्हीही अशा शेअर्सकडे गुंतवणुकीतून पाहिल्यास तुमचा दीर्घकालीन दृष्टिकोन असला पाहिजे.
