“ड्रग्ज प्रकरणाशी शिंदेंना जोडण्याचा प्रयत्न चुकीचा”; मुख्यमंत्री देवेंद्र फडणवीस
Devendra Fadnavis : सातारा जिल्ह्यातील ड्रग्ज कारखाना प्रकरणाशी उपमुख्यमंत्री एकनाथ शिंदे यांना जोडण्याच्या काँग्रेसच्या आरोपांवर महाराष्ट्राचे मुख्यमंत्री देवेंद्र फडणवीस यांनी शुक्रवारी तीव्र टीका केली. शिंदे यांचा या प्रकरणाशी कोणताही संबंध नसून काँग्रेसचे आरोप पूर्णपणे राजकीय हेतूने प्रेरित असल्याचे त्यांनी स्पष्ट केले.
मुंबईत पत्रकारांशी बोलताना फडणवीस म्हणाले की, उपमुख्यमंत्री शिंदे यांना ड्रग्ज कारखान्याशी जोडण्याचा प्रयत्न निंदनीय आहे. या रॅकेटचा पर्दाफाश केल्याबद्दल त्यांनी पोलिसांचे अभिनंदन केले.
हेही वाचा – घराणेशाही, दडपशाही झुगारून द्या! उपमुख्यमंत्री शिंदे यांचा नेवासा प्रचारसभेत हल्लाबोल…
या प्रकरणात शिंदे किंवा त्यांच्या कुटुंबातील कोणाचाही सहभाग असल्याचा कोणताही पुरावा नाही, असेही त्यांनी ठामपणे सांगितले. गृहमंत्रीपदाची जबाबदारी सांभाळणाऱ्या मुख्यमंत्र्यांनी तपास यंत्रणांना पूर्ण स्वातंत्र्य देण्यात आले असल्याचे नमूद केले.
