नवनीत राणा लीलावतीत, १० मिनिटांतच सोमय्या भेटीला, रुग्णालयाबाहेरुन ठाकरेंवर हल्लाबोल

“नवनीत राणा यांना जेलमधून थेट रुग्णालयात यावं लागलं, याचं वाईट वाटतंय. मी त्यांच्या प्रकृतीची विचारपूस करण्यासाठी लीलावती रुग्णालयात आलोय. आम्हाला असं कळतंय की रवी राणा यांना जेलमधून बाहेर येण्यासाठी ४ वाजतील. ठाकरेंच्या माफिया सरकारचा मी जाहीर निषेध व्यक्त करतो. अशा प्रकारचे दिवस महाराष्ट्रात आलेत, याची आम्हाला लाज वाटतीये”, असं म्हणत सोमय्यांनी ठाकरे सरकारला लक्ष्य केलं.

• १२ दिवस जेल, काल जामीन, राणा आज रुग्णालयात

.नवनीत राणा या भायखळा जेलमध्ये होत्या तर रवी राणा हे सध्या तळोजा तुरुंगात आहेत. न्यायालयाने राणा दाम्पत्याला विशेष अटी शर्थींसह जामीन मंजूर केला आहे. राणा दाम्पत्यांना जामीन मंजूर करण्यात आला असला तरी, त्यांच्यावर अनेक प्रकारचे निर्बंध लादण्यात आले आहेत. त्यांना संबंधित प्रकरणावर माध्यमांशी बोलता येणार नाही. त्याचबरोबर साक्षीदारांशी कोणत्याही प्रकारे संपर्क साधण्यास अथवा त्यांच्यावर दबाव टाकण्यास मनाई करण्यात आली आहे.

पोलिसांना तपासकार्यात सहकार्य करावं आणि पोलिसांकडून नोटीस दिल्यानंतर २४ तासांच्या आत चौकशीसाठी पोलीस ठाण्यात हजर राहावं, अशा विविध अटी न्यायालयाकडून घालण्यात आल्या आहेत, अशी माहिती सरकारी वकील अॅड. प्रदीप घरत यांनी दिली आहे.