वर्ल्ड फोटोग्राफी डे 2025 : भारतातील ‘या’ पाच ठिकाणी मिळेल परफेक्ट शॉट!

टीम ऑनलाईन : आज, 19 ऑगस्ट रोजी संपूर्ण जगभरात वर्ल्ड फोटोग्राफी डे उत्साहात साजरा केला जात आहे. हा दिवस प्रत्येक छायाचित्रकाराच्या मेहनतीला, दृष्टिकोनाला आणि कलात्मक अभिव्यक्तीला सलाम करणारा असतो. आजच्या डिजिटल युगात फोटोग्राफी ही केवळ एक कला न राहता, भावना आणि आठवणी जपण्यासाठीचं प्रभावी माध्यम बनली आहे.

या खास दिवशी, भारतात अशी पाच ठिकाणं आहेत, जिथे प्रत्येक क्लिक तुमचं मन मोहून टाकेल. या ठिकाणांची फोटोग्राफर्समध्ये खास ओळख असून, येथे घेतलेले फोटो Instagram-worthy तर असतातच, पण त्यामागे एक कहाणीही असते.

1. कोडाइकनाल, तमिळनाडू

दक्षिण भारतातील हिरव्या पर्वतरांगा आणि धुक्याचं साम्राज्य लाभलेलं हे ठिकाण फोटोग्राफर्ससाठी एक स्वर्गच आहे. खास करून ‘डॉल्फिन नोज’ पॉईंट येथून दिसणारा सूर्योदय तुमच्या कॅमेऱ्यात ‘परफेक्ट शॉट’ देईल.

2. लडाख

थरारक डोंगरदऱ्या, निळसर लेक आणि तिबेटी संस्कृतीची झलक असलेलं लडाख म्हणजे प्रत्येक छायाचित्रकाराचं स्वप्न. पांगॉन्ग लेक, नुब्रा व्हॅली आणि मॅग्नेटिक हिल ही काही खास लोकेशन्स.

3. श्रीनगर, जम्मू आणि काश्मीर

डल लेकवर सूर्योदयात शिकाऱ्यातून घेतलेली फ्रेम किंवा बर्फाच्छादित डोंगरांची पार्श्वभूमी, हे सौंदर्य अनुभवण्यासारखं आणि टिपण्यासारखं असतं.

4. लोणावळा, महाराष्ट्र

पावसाळ्यात धुकं, हिरवाई आणि धबधब्यांमुळे लोणावळा हे फोटोग्राफीसाठी उत्तम ठिकाण ठरतं. ट्रेकिंग करताना मिळणारे दृश्य हे कॅमेऱ्याच्या लेन्समध्ये कैद करण्यासारखं असतं.

5. व्हॅली ऑफ फ्लॉवर्स, उत्तराखंड

हजारो रंगीबेरंगी फुलांनी भरलेली ही दरी हिमालयाच्या कुशीत वसलेली असून, तिची तुलना थेट स्वित्झर्लंडशी केली जाते. ट्रेकिंग आणि फोटोग्राफी दोन्हीचा अनुभव येथे एकत्र मिळतो.