पोलीस महासंचालकांची तातडीची बैठक; भोंग्यांबाबत मोठा निर्णय होणार?

नाशिकचे पोलिस आयुक्त दीपक पांडे यांनी भोंग्यांबाबत आदेश जारी केले आहेत. या आदेशानुसार सर्व धार्मिक स्थळांना भोंग्यासाठी परवानगी घेणे बंधनकारक असणार आहे. तसंच, धार्मिक स्थळांनी ३ मेपर्यंत भोंग्यांसाठी परवानगी घ्यावी, असे आदेश नाशिक पोलिस आयुक्त दीपक पांडे यांनी दिले आहेत. तसंच, आदेशानुसार परवानगी न घेतलेल्या संबंधित अनधिकृत भोंग्यांवर कारवाई केली जाणार, असेही आदेशात स्पष्ट करण्यात आलं आहे.

नाशिक पोलिस आयुक्तांच्या या आदेशानंतर राज्यातील इतर भागातही असेच आदेश जारी करण्याची शक्यता आहे. आज १२ वाजता सर्व जिल्हा प्रमुख पोलिस अधिकाऱ्यांची पोलिस महासंचालक बैठक घेणार आहेत. या बैठकीत नाशिक पोलिस आयुक्तांसारखेच भोंगा आणि लाउड स्पीकरसंदर्भातील मार्गदर्शक सूचनाबाबत निर्णय होण्याची शक्यता आहे. तसंच, आज १२ वाजता मुख्यमंत्री उद्धव ठाकरे व दिलीप वळसे पाटील यांच्यातही बैठक होत आहे. त्यामुळं राज्यात लवकरच भोंग्याबाबत मोठा निर्णय होण्याची शक्यता आहे.