आर्थिक वर्ष संपायला आता काही दिवस उरले आहेत. यामुळेच आर्थिक वर्ष संपण्यापूर्वी कोणतेही काम अपूर्ण राहू नये.
31 मार्च 2022 पर्यंत आयकराशी संबंधित सर्व काम पूर्ण झाले नाही, तर तुम्हाला नवीन आर्थिक वर्षात त्रास सहन करावा लागू शकतो.
जर तुम्ही अद्याप 2021-22 च्या मूल्यांकन वर्षासाठी प्राप्तिकर रिटर्न (ITR) भरला नसेल, तर तुम्ही ते 31 मार्च 2022 पर्यंत भरणे आवश्यक आहे. या तारखेपर्यंत सुधारित आयटीआर देखील दाखल करता येईल.
इन्कम टॅक्स रिटर्नमध्ये काही दुरूस्ती असली तरी 31 मार्च ही शेवटची तारीख आहे. यानंतर तुम्हाला मोठा दंड भरावा लागेल.
2021-22 या आर्थिक वर्षासाठी आयकर सवलत मिळवण्यासाठी, 31 मार्चपर्यंत गुंतवणूक करा. याचा अर्थ, कर बचत योजनांमध्ये गुंतवणूक करा, ज्यातून तुम्हाला कर सवलत मिळू शकते. यामध्ये पीपीएफ, सुकन्या समृद्धी यासारख्या लहान बचत योजनांचा समावेश आहे.
