मनसुख हिरेन यांचा मृतदेह आढळलेल्या ठिकाणी अजून एक मृतदेह सापडला

ठाणे – स्फोटक प्रकरणात वापरलेल्या स्कॉर्पियो गाडीचे मालक मनसुख हिरेन यांचा ज्या ठिकाणी मृतदेह सापडला होता त्याचठिकाणी आणखी एक मृतदेह सापडला आहे. सकाळी ११ वाजण्याच्या सुमारास हा मृतदेह सापडला आहे. मृतदेहाची ओळख पटलेली असून शेख सलीम अब्दुल असं मृत व्यक्तीचं नाव आहे. ४८ वर्षीय शेख अब्दुल सलीम मजूर असून मुंब्रा, रेतींबदर येथे वास्तव्यास होते. घटनेची माहिती मिळताच मुंब्रा पोलीस अधिकारी, प्रादेशिक आपत्ती व्यवस्थापन कक्ष आणि अग्निशमन दल घटनास्थळी दाखल झालं होतं.

बचावकार्य पूर्ण करण्यात आलेलं असून मृतदेह पोलिसांकडे सोपवण्यात आला असल्याचं आपत्ती विभाग आणि पालिकेकडून सांगण्यात आलं आहे.

Maharashtra: A body has been found at the location in Reti Bunder, Mumbra where Mansukh Hiran's body was found a few days back. More detail awaited. pic.twitter.com/g8DxFxpN1m

— ANI (@ANI) March 20, 2021