बॅडमिंटन खेळत असताना एका व्यापाऱ्याला हृदयविकाराचा तीव्र झटका, व्यापारी जागेवरच कोसळला…
परभणी : बॅडमिंटन खेळत असताना एका व्यापाऱ्याला हृदयविकाराचा तीव्र झटका आल्याने व्यापारी जागेवरच खाली कोसळले, त्यानतंर त्यांना उपचारासाठी परभणी शहरातील खाजगी रुग्णालयात दाखल केले असता डॉक्टरांनी मृत घोषित केले. सदरील घटना आज गुरुवार (२५ ऑगस्ट) रोजी घडली. सचिन तापडिया असे मृत व्यापाऱ्याचे नाव आहे. सचिन तापडिया यांचा असा अचानक मृत्यू झाल्याने त्यांची दोन मुले पोरकी झाली आहेत. या घटनेमुळे हळहळ व्यक्त केली जात आहे.
परभणी शहरातील व्यापारी सचिन तापडिया हे बॅडमिंटन खेळत असताना त्यांना तीव्र हृदयविकाराचा झटका आला. त्यामुळे ते जमिनीवर कोसळले या ठिकाणी उपस्थित असलेल्या व्यक्तीने त्यांना उपचारासाठी परभणी शहरातील एका खाजगी रुग्णालयामध्ये दाखल केले. मात्र डॉक्टरांनी सचिन तापडिया यांना मृत घोषित केले.
सचिन तापडिया यांच्या पश्चात एक मुलगा, एक मुलगी, पत्नी असा परिवार आहे. अचानक मृत्यू झाल्यामुळे दोन लेकर पोरकी झाली आहेत. या घटनेमुळे परभणी शहरामध्ये हळहळ व्यक्त केली जात आहे. सचिन तापडे यांचे तापडिया ड्रायव्हिंग स्कूल ही नामांकित ड्रायव्हिंग स्कूल परभणीमध्ये आहे. यासोबत फायनान्स आणि इतर उद्योग असल्याची माहिती मिळत आहे. त्यांच्यावर आज संध्याकाळी अंत्यसंस्कार करण्यात येणार येणार आहेत.