मक्याचे केस निरुपयोगी समजून फेकताय? जाणून घ्या त्याचे शरीरास होणारे फायदे, चहा करुन प्या…
Health : पावसाळ्यात गरमागरम मका खाण्यात एक वेगळीच मजा आहे. बहुतेक लोक मका सोलल्यावर त्यावर राहिलेले बारीक केस निरुपयोगी समजून फेकून देतात. पण फार कमी लोकांना माहिती आहे की, मक्याच्या केसांचे देखील शरीरिरास होणारे अनेक फायदे आहेत. मक्याचे केस ही फेकून देण्याची वस्तू नाही. त्यात अनेक आवश्यक पोषक तत्वे असतात, जी शरीराच्या आरोग्यासाठी फायदेशीर मानली जातात. पारंपरिकरित्या विविध घरगुती उपचारांमध्येही याचा वापर केला जातो. या केसांपासून चहा बनवून प्यायल्याने शरीराला अनेक आरोग्यदायी फायदे मिळू शकतात.
मक्याच्या केसांमध्ये मध्ये कॅलरीज खूप कमी असतात. त्यात फायबर, थोडे प्रथिने, शरीरासाठी आवश्यक असलेली विविध जीवनसत्त्वे आणि खनिजे असतात. तसेच, त्यात नैसर्गिकरित्या साखरेचं प्रमाण कमी असतं, त्यामुळे त्याचा चहा एक हलके आणि आरोग्यदायी पेय ठरू शकतो. मक्याच्या केसांमध्ये असे नैसर्गिक घटक असतात जे शरीरातील सौम्य दाह कमी करण्यास मदत करतात. जर शरीरात सर्वसाधारण दाह किंवा सूज असेल, तर मक्याच्या तंतूंचा चहा पिणे फायदेशीर ठरू शकते.
लघवी करताना होणारी सौम्य जळजळ किंवा अस्वस्थता कमी करण्यासाठी पारंपरिकरित्या मक्याच्या केसांचा वापर केला जातो. तथापि, जर ही समस्या कायम राहिली किंवा वाढली, तर घरगुती उपायांवर अवलंबून न राहता ताबडतोब डॉक्टरांचा सल्ला घेणे महत्त्वाचे आहे.
हेही वाचा – ‘मिर्झापूर: द मूव्ही’मधील ‘दो नंबरी’ गाणे प्रदर्शित; हरियाणवी गायक ढांडा न्योलीवालाची बॉलिवूडमध्ये एन्ट्री
काही अभ्यासांनुसार, मक्यातील फायबर रक्तातील साखरेची पातळी नियंत्रित ठेवण्यास मदत करू शकते. पण याला मधुमेहावरील उपचार किंवा औषधांचा पर्याय मानू नये. जर तुम्हाला मधुमेह असेल, तर तुमच्या डॉक्टरांच्या निर्देशानुसार उपचार आणि औषधोपचार सुरू ठेवा. काही लोक किडनी स्टोन किंवा लघवीच्या सौम्य त्रासांपासून आराम मिळवण्यासाठी कॉर्न फायबर चहाचे सेवन करतात. पण, त्याचा परिणाम प्रत्येकासाठी सारखाच होईल असं नाही. कोणतीही गंभीर समस्या उद्भवल्यास, डॉक्टरांचा सल्ला घेणं आवश्यक आहे.
मक्याच्या केसांमध्येमध्ये असे नैसर्गिक घटक असतात जे शरीरातील पेशींना नुकसान पोहोचवणाऱ्या हानिकारक घटकांचा प्रभाव कमी करण्यास मदत करतात. हे गुणधर्म शरीर निरोगी ठेवण्यास आणि पेशींचे संरक्षण करण्यास मदत करतात. पण आहारात कोणतेही बदल करण्यापूर्वी डॉक्टरांचा सल्ला नक्की घ्या.
महाईन्यूज-X वर फॉलो करा : महाईन्यूजला instagram वर फॉलो करा
