बंगळुरूचा पंजाबवर सहजपणे विजय…
- आयपीएल टी-20 क्रिकेट स्पर्धा
मोहाली – गोलंदाजांचा प्रभावी मारा आणि क्षेत्ररक्षकांची अप्रतिम कामगिरी यामुळे किंग्ज इलेव्हन पंजाब संघाचा डाव 15.1 षटकांत सर्वबाद 88 धावांवर गुंडाळून रॉयल चॅलेंजर्स बंगळुरू संघाने आयपीएल टी-20 क्रिकेट स्पर्धेतील 48 व्या साखळी सामन्यावर पकड घेतली. 89 धावांच्या आव्हानाचा पाठलाग करताना बंगळुरूने आपला एकही फलंदाज न गमावता 8.1 षटकात 92 धावा बनवीत पंजाबवर सहजपणे विजय मिळविला.
नाणेफेक गमावून गोलंदाजी स्वीकारल्यावर उमेश यादव (23-3), यजुवेंद्र चाहल व कॉलिन डी ग्रॅंडहोम यांनी पंजाबच्या फलंदाजीची दाणादाण उडविली. तसेच पंजाबचे तीन फलंदाज धावबाद झाले.
अशाप्रकारे रॉयल चॅलेंजर्स बंगळुरुच्या संघाने किंग्ज इलेव्हन पंजाबवर दहा गडी राखून सहजरीत्या विजय मिळविला.
बंगळुरुचा कर्णधार विराट कोहलीने 28 चेंडूंत 6 चौकार आणि 2 षटकारांच्या मदतीने नाबाद 48 धावा केल्या, तर पार्थिव पटेलने 22 चेंडूंत सात चौकारांच्या मदतीने नाबाद 40 धावांची खेळी केली.