झारखंडच्या मुख्यमंत्रीपदी हेमंत सोरेन यांना संधी; भाजपच्या अहंकाराचा पराभव : आर.पी.एन. सिंह
नवी दिल्ली । महाईन्यूज । ऑनलाईन टीम
झारखंड मुक्ती मोर्चा (झामुमो)च्या नेतृत्वाखाली काँग्रेस आघाडीला झारखंड विधानसभा निवडणुकीत पूर्ण बहूमत मिळाले आहे. त्यामुळे हेमंत सोरेन यांच्या खांद्यावर मुख्यमंत्रीपदाची धुरा देण्यात येईल, असा भूमिका काँग्रेसच्या नेत्यांनी घेतली आहे.
झारखंडचे अखिल भारतीय कॉंग्रेस कमिटीचे प्रभारी आरपीएन सिंह म्हणाले की, “राज्यातील जनतेच्या जीवनावर परिणाम करणारे प्रश्न उपस्थित करून आम्ही निवडणुका लढल्यामुळे आम्हाला सरकार स्थापन करण्याची संधी मिळाली आहे. पंतप्रधान नरेंद्र मोदी आणि गृहमंत्री अमित शहा यांनी मूलभूत मुद्द्यांपासून लोकांचे लक्ष हटवण्याचा प्रयत्न केला त्यामुळे लोकांनी त्यांना घरचा रस्ता दाखवला आहे.
पूर्वी जाहीर केल्याप्रमाणे झामुमोचे हेमंत सोरेन मुख्यमंत्री होतील, असा पुनरुच्चार करून सिंह म्हणाले की, झारखंडचे निकाल म्हणजे भाजपाच्या “अहंकार आणि डावपेचांचा डाव” यांचा पराभव आहे.
झारखंड निवडणुकीचे कॉंग्रेस समन्वयक अजय शर्मा म्हणाले की, हा भाजपच्या भ्रष्टाचाराचा आणि त्यांचा अहंकाराचा पराभव आहे. जनतेने नाकारलेल्या भ्रष्ट उमेदवारांना भाजपने तिकीट दिले. कॉंग्रेसने जनतेच्या प्रश्नांवर लक्ष केंद्रित केले आणि सामान्य माणसाच्या प्रश्नांवर लक्ष केंद्रित केले जे भाजपा सोडविण्यात अपयशी ठरले, शर्मा म्हणाले.
