breaking-newsमहाराष्ट्रमुंबई
ख्यातनाम जाहिरात कंपनीत काम करणाऱ्या तरुणीची आत्महत्या
मुंबईतील सांताक्रूझ येथे जाहिरात क्षेत्रात काम करणाऱ्या ३० वर्षांच्या तरुणीने आत्महत्या केल्याची घटना घडली आहे. भूमिका सिंह असे या तरुणीचे नाव असून तिच्या आत्महत्येचे कारण अद्याप समजू शकलेले नाही.
सांताक्रूझमधील वाकोला येथे भूमिका सिंह राहायची. भूमिका सिंह ही एका आंतरराष्ट्रीय जाहिरात कंपनीच्या मुंबई कार्यालयात कामाला होती. दोन दिवसांपूर्वी भूमिकाने राहत्या घरी गळफास घेत आत्महत्या केली. भूमिकाचा पती विनय सिंह हे घरी परतल्यावर त्यांना पत्नीने गळफास घेतल्याचे निदर्शनास आले. त्यांनी तातडीने या घटनेची माहिती पोलिसांना दिली. भूमिका सिंहने टोकाचे पाऊल का उचलले, हे अद्याप अस्पष्ट असून या प्रकरणी पोलीस अधिक तपास करत आहे.