मुंबईतल्या तरुणाने बागेतल्या पक्ष्यांना मारण्यासाठी झाडली गोळी, पण नेम चुकला अन् घडलं भलतंच

यादव ज्या ठिकाणी योगासने करत होती त्या ठिकाणापासून अवघ्या २५ फूट अंतरावरून एअर गनमधून गोळी झाडण्यात आल्याचे पोलिसांनी सांगितले. या घटनेत यादव हे जखमी झाले आहेत. पोशा नाखवा गार्डन येथील स्केटिंग ट्रॅकवर शनिवारी ही घटना घडली असून मलखानी हे लाँड्री व्यवसायात असल्याचे एका अधिकाऱ्याने सांगितले.

यादव म्हणाले की, सकाळी १०.१५ च्या सुमारास मी योगा करत असताना छातीत जळजळ होत असल्याचे जाणवले. त्यावेळी बागेत उपस्थित असलेल्या काही मुलांनी मला सांगितले की मला छातीतून रक्तस्त्राव होत आहे. त्यानंतर मी तपासले असता बरगडीला गोळी लागल्याने मला गंभीर दुखापत झाली असल्याचे जाणवले. सहा महिन्यांपूर्वीही अशीच एक घटना घडली होती, अस त्या मुलांनी मला सांगितलं, अशी माहिती यादव यांनी दिली आहे. यादव यांच्यावर सध्या उपचार सुरू आहेत.

मी जखम झालेल्या भागावर हात चोळल्यावर गोळी खाली पडली. त्यानंतर तातडीने मी पोलिसांच्या इमर्जन्सी नंबर १००वर फोन केला. त्यानंतर पोलिस घटनास्थळी पोहोचल्यानंतर आम्ही त्या बंगल्यात गेलो. आणि त्या व्यक्तीकडे एअर गन आहे की नाही हे तपासले. त्यावेळी मलखानी यांच्याकडे एअर गन असल्याचे समोर आले आणि ती एअर गन त्याचीच असल्याचंही त्याने कबुल केले, असं यादव म्हणाले.

भारतीय दंड संहितेच्या कलम ३३६ (दुसर्‍यांचा जीव किंवा वैयक्तिक सुरक्षितता धोक्यात आणणारे निष्काळजी कृत्य) आणि ३३७ (इतरांचा जीव किंवा वैयक्तिक सुरक्षितता धोक्यात आणणारे कृत्य) अंतर्गत मलखानीविरोधात गुन्हा दाखल करण्यात आला आहे. तसेच त्याची एअर गनही जप्त करण्यात आली आहे. एअर गन ठेवण्यासाठी परवान्याची गरज नसते. मलखानी याला सीआरपीसी अंतर्गत नोटीसही बजावण्यात आली आहे,” असे वर्सोवा पोलिसांचे वरिष्ठ निरीक्षक सिराज इनामदार यांनी सांगितले.