पंढरपूरच्या वारीसाठी विशेष ४७०० एसटी गाड्या, वारकरी, भाविकांच्या गर्दी विभागण्यासाठी ४ स्थानक

६ जुलै ते १४ जुलैदरम्यान या विशेष गाड्या धावणार आहेत. वाखरी येथील माउलींच्या रिंगण सोहळ्यासाठी (८ जुलै रोजी) २०० बस उपलब्ध करून देण्यात आल्या आहेत. यात्रेसाठी मुंबईसह, पुणे, नाशिक, औरंगाबाद, नागपूर, अमरावती या सहा प्रदेशांतून गाड्यांचे नियोजन करण्यात आले आहे. लाखो भाविक प्रवाशांना सुरक्षित सेवा देण्यासाठी एसटीचे चालक, वाहक, यांत्रिक कर्मचारी तसेच अधिकारी वर्गही अहोरात्र कार्यरत राहणार आहेत, अशी माहितीही परब यांनी दिली. पंढरपूरची आषाढीयात्रा हा महाराष्ट्रातील सर्व सामान्य जनतेचा जिव्हाळ्याचा विषय आहे. भाविकांना त्यांच्या गावापासून थेट पंढरपूर पर्यंत घेऊन जाणे तसेच विठ्ठलाचे दर्शन घेतल्यानंतर सुखरूपपणे घरी आणून सोडण्याची महत्त्वपूर्ण जबाबदारी एसटीवर असते. ही जबाबदारी पार पाडण्यासाठी राज्यातील सर्व एसटी कर्मचारी-अधिकारी आपले कर्तव्य चोख बजावत आहेत.

प्रदेशवार विशेष गाड्यांची माहिती

औरंगाबाद – १२००

मुंबई – ५००

नागपूर – १००

पुणे – १२००

नाशिक – १०००

अमरावती – ७००

एकूण -४७००

वारकऱ्यांसाठी नियोजन

बस स्थानकाचे नाव- जिल्हानिहाय सोडण्यात येणाऱ्या गाड्या

१. चंद्रभागा बसस्थानक – मुंबई, ठाणे, रायगड, सातारा, पुणे विभाग व पंढरपूर आगार

२. भीमा यात्रा देगाव – औरंगाबाद, नागपूर व अमरावती प्रदेश

३. विठ्ठल कारखाना – नाशिक, जळगाव, धुळे, अहमदनगर

४. पांडुरंग बसस्थानक – सांगली, कोल्हापूर, रत्नागिरी व सिंधुदुर्ग