“पिंपरी-चिंचवड फर्स्ट” : पिंपरी-चिंचवड सिटीझन फोरमचा जाहीरनामा! 

पिंपरी : विशेष प्रतिनिधी 

येत्या काही दिवसांत, 18 व्या लोकसभेसाठी निवडणुका पार पडणार आहेत. हे मतदान आपल्या सर्वांसाठी एक अत्यंत महत्त्वाचे आणि जबाबदारीचे कर्तव्य आहे. पिंपरी-चिंचवड सिटिझन फोरम (PCCF) आणि कनेक्टिंग NGO PCMC यांच्यामाध्यमातून नागरिकांना जागरूक मतदार बनण्याचे आवाहन करण्यात आले आहे. तसेच, PCCF द्वारे ‘‘सिटिझन मॅनिफेस्टो’’ प्रसिद्ध केला असून, मावळ आणि शिरूर लोकसभा मतदारसंघांमधून निवडणूक लढणाऱ्या सर्व उमेदवारांसाठी नागरिकांच्या मागण्यांची यादी आहे.  हा मॅनिफेस्टो नागरिकांना त्यांच्या निवडणुकीच्या प्राधान्यक्रमांमध्ये मार्गदर्शन करण्यासाठी आणि उमेदवारांना जबाबदार धरण्यासाठी तयार केले आहे.

PCCF चे संस्थापक समन्वयक अमोल देशपांडे म्हणाले की, नागरिक जाहीरनामा अनेकदा प्रभावशाली असते आणि निवडणुकीच्या निकालावर परिणाम करू शकते. आम्ही 2014 च्या लोकसभा निवडणुकीपासून नियमितपणे जाहीरनामे प्रकाशित करत आहोत, त्यानंतर 2014 विधानसभा, 2017 महापालिका, 2019 लोकसभा आणि 2019 विधानसभा निवडणुकांसाठी देखील जाहीरनामे प्रकाशित केले. 

प्रारंभिक निवडणुकांमध्ये, राजकीय पक्षांनी आमच्या मागण्यांकडे लक्ष दिले नाही. तथापि, हळूहळू परिस्थिती बदलली आणि प्रत्येक निवडणुकीनंतर, राजकीय पक्षांनी आमच्या घोषणापत्रातील मुद्द्यांवर विचार करण्यास सुरुवात केली. 2017 च्या महापालिका निवडणुकीसाठी, तत्कालीन सत्ताधारी पक्ष – भाजपने आमच्या मसुद्याचा स्वीकार केला, हे आमच्यासाठी एक मोठे यश होते! यामुळे समाजात सकारात्मक बदल घडवून आणण्यास मदत झाली.

PCCF च्या जाहीरनाम्यातील मुद्दे पुढीलप्रमाणे : 

नागरिक हक्क व कायदे : 1. एक शहर एक मतदारसंघ, 2. सरकारी कार्यालयांचे विकेंद्रीकरण, 3. केंद्र सरकारच्या योजना, आरोग्य :  आयुष्मान भारत योजना, ज्येष्ठ नागरिक आणि दिव्यांग, जबाबदारी , शिक्षणाचा अधिकार (RTE), माहितीचा अधिकार (RTI), सेवांचा अधिकार (RTS), ७४ वी घटनादुरुस्ती, 

नागरिकांचा शासन प्रक्रियेत सहभाग : 1. स्मार्ट सिटी शासन, 2. नागरी प्रतिबद्धता, 3. अर्थसंकल्पीय पारदर्शकता आणि सहभाग, 4. स्थानिक सेवा वितरण सुधारणा,

आरोग्य व स्वच्छता: 1. आरोग्य सुविधा उपलब्धता, 2. प्रतिबंधात्मक आरोग्य सेवा, 3. स्वच्छता, 4. पोषण आणि अन्न सुरक्षा , 5. मानसिक आरोग्य, 6. माता आणि बाल आरोग्य, 7. आपत्कालीन वैद्यकीय सेवा, 8. आरोग्यसेवा पायाभूत सुविधा, 9. डिजिटल आरोग्य सेवा, 10. समुदाय सहभाग आणि प्रतिबद्धता. 

शिक्षण व कौशल्य: 1. सर्वांसाठी दर्जेदार शिक्षण , 2. कौशल्य आणि रोजगार क्षमता, 3. स्टार्टअप इकोसिस्टिम चालना देणे, 4. एज्युकेशन हब.

पर्यावरण व ऊर्जा: 1. पर्यावरण संरक्षण कायद्यात सुधारणा, 2. पवना, इंद्रायणी, मुळा नदी पुनरुज्जीवन, 3. वेस्ट टू वेल्थ टेक्नॉलॉजी पार्क, 4. स्वच्छ भारत मिशन (SBM), 5. सौर ऊर्जा, 6. ई-वाहन / ईव्ही, 7. हरित पिंपरी चिंचवड, 8. वायू प्रदूषण, 9. भूजल संवर्धन, ग्लोबल वार्मिंग आणि हवामान बदल.

हवामान आणीबाणी घोषणा: सरकारने हवामान बदलाच्या गंभीरतेला ओळखून तात्काळ हवामान आणीबाणी घोषित करणे आवश्यक आहे\. यामुळे त्वरित आणि निर्णायक कारवाईसाठी आवश्यक असलेली राजकीय इच्छाशक्ती निर्माण होईल.

खासदारांची भूमिका: हवामान बदलाशी लढण्यासाठी आणि हवामान न्याय मिळवण्यासाठी आमचे निवडून आलेले खासदारांनी सक्रिय भूमिका बजावणे आवश्यक आहे. यात कठोर हवामान धोरणांना समर्थन देणे, जीवाश्म इंधनावर सबसिडी कमी करणे आणि स्वच्छ ऊर्जा तंत्रज्ञानात गुंतवणूक करणे समाविष्ट आहे.

पाणी व्यवस्थापन : 1. पाणीपुरवठा, 2. जल व्यवस्थापन. 

स्मार्ट पोलिसिंग व न्याय : 1. स्मार्ट पोलिसिंग, 2. न्यायिक सुधारणा

माहिती तंत्रज्ञान : 1. गव्हर्नन्स 4.0, 2. सुशासन आणि ई-गव्हर्नन्स, 3. मल्टिमीडिया तंत्रज्ञान, 4. नागरिक सेवा केंद्र

वाहतूक व दळणवळण : 1. UMTA चे सक्रियकरण, 2. शहरी वाहतूक योजना, 3. मेट्रो, मेट्रो मार्ग, मेट्रो संबंधित इतर महत्त्वाचे प्रकल्प, रेल्वे वाहतूक, महत्वाचे प्रकल्प, नवीन मार्ग,  सार्वजनिक वाहतूक, पीएमपीएमएल सुधारणांसाठी शिफारसी, रिक्षा, एसटी आणि खाजगी बसेस, कॅब सेवा, रस्ते वाहतूक, अंतर्गत कनेक्टिव्हिटी, पूर्व-पश्चिम कनेक्टिव्हिटी, उत्तर-दक्षिण कनेक्टिव्हिटी, रिंग रोड, बाह्य कनेक्टिव्हिटी,  राष्ट्रीय/राज्य महामार्ग,  द्रुतगती मार्ग,  इतर वाहतूक पर्यायी,  मोटार वाहन (दुरुस्ती) 

शहरी नियोजन व रचना : 1. सरकारी कार्यालयांसाठी क्लस्टर, शहर व्यवसाय अधिवेशन आणि प्रदर्शन केंद्र, संसाधन व्यवस्थापन धोरण, 4. फेरीवाला धोरण,  रस्ते विकास आणि देखभाल,  PCNTDA,  रेड झोन. 

औद्योगिक आर्थिक प्रगती: इनोव्हेशन आणि आयटी हब, इनोव्हेशन परिसंस्थेचा विकास करणे, आयटी पायाभूत सुविधांचे बळकटीकरण,  इलेक्ट्रॉनिक क्लस्टर: ई-वाहतूक उद्योगाला चालना देणे, लघु आणि मध्यम उद्योग (एसएमई), औद्योगिक महानगर. 

कला व संस्कृती: 1. कला आणि संस्कृती अनुभव केंद्र, 2. ऐतिहासिक स्थळांचे जीर्णोद्धार आणि संवर्धन.

खाद्य व पर्यटन: 1. गाव आणि पर्यटन विकास योजना, 2. हेरिटेज पर्यटन, 3. निसर्ग पर्यटन, 4. इट राइट फूड स्ट्रीट.
खेळ व तंदुरुस्ती: 1. भारताचे क्रीडा शहर, 2. फिटनेस पायाभूत सुविधा.