लिफ्टच्या खड्ड्यात पडून बुडून सहा वर्षांच्या चिमुकल्याचा मृत्यू; डोंबिवलीतील घटना

वेदांतचा सांभाळ आजी, आजोबा आणि बाबा करत होते. नेहमीच वेदांत या इमारतीमध्ये खेळण्यासाठी जात असे. मंगळवारी सकाळी ११.३० वाजता वेदांत हरवल्याचे समोर आले. हरवलेल्या वेदांत बराच वेळ झाला तरी सापडेना. शोधाशोध झाल्यानंतर थोड्यावेळाने लिफ्टच्या खड्ड्यात त्याचा मृतदेह दिसला. त्यानंतर त्याला बाहेर काढले, मात्र तोपर्यंत त्याचा मृत्यू झाला होता. या खड्ड्यात पडलेला बॉल काढण्यासाठी वेदांत त्या खड्ड्यात गेला असावा, असा अंदाज व्यक्त करण्यात येत आहे.

ती बिल्डिंग अनधिकृत असल्याची प्राथमिक माहिती…

इमारतीच्या खड्ड्यात पडून वेदांतचा मृत्यू झाला त्या इमारतीचे २०१२ पासून बांधकाम सुरू असून ती अनधिकृत असल्याची प्राथमिक माहिती आहे. दरम्यान, याआधी देखील अशाच प्रकारे अनधिकृत इमारतीच्या लिफ्टच्या खड्ड्यात पडून एक मुलगा दगावल्याची घटना सागाव येथे घडली होती. मात्र त्यानंतर देखील महापालिका प्रशासन ढीम्म असून अश्या इमारतीवर तात्पुरती कारवाई करत असल्याचे उघड होत आहे. त्यामुळे आता या इमारतीवर कारवाई करणार का हे पाहावे लागेल.