धक्कादायक! देवगिरी एक्सप्रेसवर सशस्त्र दरोडा; चाकूचा धाक दाखवून प्रवाशांना लुटलं

मुंबईहून औरंगाबाद मार्गे नांदेडला निघालेली नंदीग्राम एक्स्प्रेस रेल्वेगाडी शुक्रवारी रात्री साडेबारा वाजेच्या सुमारास लासूर स्टेशन येथून औरंगाबादकडे येत होती. दरम्यान देवगिरी एक्स्प्रेसवर दौलताबाद-पोटूळ दरम्यान येण्यापूर्वी दरोडेखोरांनी सिग्नलवर कपडा बांधून रेल्वे थांबवली. त्यानंतर चार ते पाच दरोडेखोरांनी प्रवाशांना चाकूचा धाक दाखवून सोन्याचे दागिने, तर मोबाइल हिसकावून घेतले. यावेळी रेल्वेवर तुफान दगडफेकही करण्यात आल्याची माहिती आहे.

घटनेची माहिती मिळताच रेल्वे पोलिसांनी घटनास्थळी धाव घेतली आहे. रेल्वेचे वरिष्ठ अधिकारीही घटनास्थळी दाखल झाले. याप्रकरणी गुन्हा दाखल करण्यात येत आहे. तर एकाच महिन्यात दुसरी घटना घडल्याने पोलिसांसमोर या चोरांना पकडण्याचे आव्हान असणार आहे.

प्रवाशांमध्ये भीतीचे वाटावं…

दरोडेखोरांनी अचानक रेल्वे थांबून प्रवेश करत लुटमार सुरू केल्याने रेल्वेत बसलेल्या प्रवाशांमध्ये एकच खळबळ उडाली. तर बाहेरून सुरू असलेल्या दगडफेकीमुळे आतमधील प्रवाशांमध्ये प्रचंड भीतीचे वातावरण होते.