राम शिंदेंकडून पहाटेच अहिल्यादेवी होळकरांना अभिवादन, NCPच्या कार्यक्रमाआधीच मंदिरात पूजा

अहल्यादेवी होळकर यांच्या स्मारकात जाऊन अहल्यादेवींना अभिवादन केले. यावर्षी शिंदे चौंडीतील कार्यक्रमात सहभागी न होता मुंबईत कार्यक्रम घेणार आहेत. त्यामुळे राष्ट्रवादी काँग्रेसतर्फे उत्सव सुरू होण्यापूर्वीच शिंदे यांनी पहाटेच अभिवादन केले. दरम्यान, राम शिंदे यांनी राष्ट्रवादीच्या कार्यक्रमावर टीका केली आहे.

या जयंतीदिनी राष्ट्रवादी काँग्रेसकडून कार्यक्रमांचं आयोजन करण्यात आलं आहे. यावर भाजप नेते राम शिंदे यांनी जहरी टीका केली आहे. अहिल्यादेवी होळकर यांच्या जयंतीला पक्षीय स्वरुप देण्यात आलं असून राष्ट्रवादीने याला मेळाव्याचं स्वरुप दिलं आहे, अशी टीका राम शिंदेंकडून करण्यात आली आहे.

राष्ट्रवादी काँग्रेस पक्षाकडून घेण्यात आलेल्या कार्यक्रमामुळे अहिल्यादेवी होळकर यांच्या भक्तांची कुचंबणा झाली असल्याचं राम शिंदे यांनी म्हटलं आहे. राहित पवार यांनी अहिल्यादेवी होळकर जयंतीला राजकीय स्वरुप दिल्यानं वादग्रस्त आणि संघर्षाची परिस्थिती निर्माण झाली असल्याचं राम शिंदे यांनी म्हटलं आहे.