मुंबई | प्रतिनिधी
ठाणे-कल्याण दरम्यान आज, रविवारी दिवसा १२ तासांचा आणि ठाणे ते वाशी व बोरिवली ते अंधेरी दरम्यान शनिवार-रविवार मध्यरात्री मेगाब्लॉक घोषित करण्यात आला आहे. हार्बर मार्गावर मात्र कोणताही ब्लॉक असणार नाही. ब्लॉक कालावधीत लोकल विलंबाने धावणार आहेत.
मध्य रेल्वे मुख्य मार्ग
स्थानक – ठाणे ते कल्याण
मार्ग – अप आणि डाऊन जलद
वेळ – सकाळी ९ ते रात्री ९
परिणाम – ब्लॉक कालावधीत जलद मार्गावरील लोकल फेऱ्या धीम्या मार्गावर वळविण्यात येणार आहेत. यामुळे काही लोकल फेऱ्या रद्द करण्यात येणार असून काही लोकल विलंबाने धावणार आहेत.
ट्रान्सहार्बर
स्थानक – ठाणे ते वाशी
मार्ग – अप आणि डाऊन
वेळ – शनिवार रात्री ११.४५ ते रविवार पहाटे ०५.४५ वाजेपर्यंत
परिणाम – ठाणे आणि ऐरोली स्थानकांदरम्यान भुयारी मार्गासाठी गर्डर्स आणि बॉक्स टाकण्यासाठी हा ब्लॉक घेण्यात येणार आहे. ब्लॉक वेळेत काही लोकल फेऱ्या विलंबाने धावणार आहेत. ठाणे येथून वाशी/नेरुळ/पनवेलसाठी सुटणाऱ्या अप आणि डाउन लोकल फेऱ्या रद्द राहणार आहेत.
पश्चिम रेल्वे
स्थानक – बोरिवली ते अंधेरी
मार्ग – अप आणि डाऊन जलद
वेळ – शनिवार रात्री ११.४५ ते रविवारी पहाटे ४.४५
परिणाम – ब्लॉक कालावधीत जलद मार्गावरील लोकल फेऱ्या धीम्या मार्गावर वळविण्यात येणार असल्याने काही लोकल फेऱ्या विलंबाने धावणार आहेत.
