फोनची बॅटरी लवकर डिस्चार्ज होतेय? या टिप्स अवश्य वापरा

Smartphone Battery | तुमच्या स्मार्टफोनची बॅटरी लवकर संपत असल्यास, तुम्ही ते होण्यापासून रोखू शकता. काही टिप्स फॉलो करून तुम्ही स्मार्टफोनचे बॅटरी लाइफ वाढवू शकता.

ब्राईटनेस नियंत्रित करा

फोनच्या ब्राइटनेसमुळे बॅटरीवर खूप परिणाम होतो. तुम्ही ब्राइटनेस कमी करून स्मार्टफोन वापरू शकता.  फोनचा ब्राइटनेस कमी किंवा ऑटो वर सेट करू शकता. यामुळे बॅटरीचा वापर कमी होईल आणि बॅटरी पूर्वीपेक्षा जास्त काळ टिकेल.

ही सेटिंग बंद ठेवा

काम करत नसल्यास, फोनचे जीपीएस, ब्लूटूथ आणि वायफाय सेटिंग्ज बंद करा. यामुळे बॅटरीचा वापर कमी होईल. तसेच मोबाईल डेटा वापरात नसताना बंद करा. या सेटिंग्जमध्ये भरपूर बॅटरी वापरली जाते. या कारणास्तव, वापरात नसताना या सेटिंग्ज बंद करा.

हेही वाचा     –      मिहिर शाह रेड बुल प्यायला होता; पब मालकाचं वक्तव्य 

बॅगराऊंड अॅप्सकडे लक्ष द्या

फोनमधील अनेक अॅप्स बॅकग्राउंडमध्ये चालू राहतात. याचा परिणाम फोनच्या बॅटरीवरही होतो. हे अॅप्स बंद करून तुम्ही बॅटरीचे आयुष्य वाढवू शकता. तुम्ही बॅटरी सेटिंग्जमध्ये जाऊन हे तपासू शकता. त्यानंतर बॅकग्राउंडमध्ये काम करणारे अॅप्स बंद करा.

स्क्रीन टायमींग कमी करा

जर तुमच्या फोनचा स्क्रीन टाइम जास्त असेल तर तो कमी करा. यामुळे बॅटरीची खूप बचत होईल. यासाठी तुम्ही 30 सेकंदांची आदर्श वेळ निवडू शकता. याशिवाय वायब्रेशनची तीव्रताही कमी करा.

लाइव्ह वॉलपेपर वापरू नका

फोनचे लाइव्ह वॉलपेपर देखील भरपूर बॅटरी वापरतात. लाइव्ह वॉलपेपर म्हणून वापरलेले अॅनिमेशन जास्त बॅटरी वापरतात. यामुळे फोनमधील साधे आणि कमी प्रकाशातील वॉलपेपर वापरून फोनची बॅटरी वाचवता येते.