Bloomberg Billionaires Index : अनेक देशांमध्ये व्यवसाय असलेले अदानी समूहाचे प्रमुख गौतम अदानी यांनी पुन्हा आशियातील सर्वात श्रीमंत व्यक्तीचे स्थान पटकावले आहे. नुकतेच सर्वोच्च न्यायालयाने हिंडनबर्ग रिसर्चच्या अदानी समूहावरील आरोपांची नव्याने चौकशी करण्याची गरज नसल्याचे म्हटले होते.
ब्लूमबर्ग बिलियनेअर्स इंडेक्सनुसार, गेल्या काही दिवसांत अदानी ग्रुपच्या कंपन्यांच्या शेअर्समध्ये झालेल्या जोरदार वाढीमुळे गौतम अदानी यांची एकूण संपत्ती सुमारे $७.७ अब्ज डॉलरने वाढून $९७.६ अब्ज झाली आहे. त्यांनी रिलायन्स इंडस्ट्रीजचे चेअरमन मुकेश अंबानी यांना मागे टाकले आहे. अंबानी यांची एकूण संपत्ती ९७ अब्ज डॉलर्स आहे. पहिल्या पिढीतील व्यावसायिक असलेल्या अदानी यांनी १९८० च्या दशकात हिरे व्यापारी म्हणून सुरुवात केली.अदानी समूहाचा व्यवसाय बंदर ते ऊर्जा क्षेत्राशी संबंधित आहे. गेल्या वर्षी हिंडेनबर्ग रिसर्चने कॉर्पोरेट फसवणुकीचे आरोप फेटाळले असतानाही, अदानी समूहाच्या सूचीबद्ध कंपन्यांच्या शेअर्समध्ये मोठी घसरण झाली होती. यामुळे अदानी समूहाला १५० अब्ज डॉलर्सपेक्षा जास्त नुकसान झाले आहे.
हेही वाचा – प्रभू श्रीरामांबद्दल वादग्रस्त वक्तव्य हे विकृत मानसिकतेचे प्रतिक!
यानंतर अदानी समूहाने गुंतवणूकदारांना परत आणण्यासाठी, कर्जदारांना धीर देण्यासाठी आणि कर्जाची परतफेड करण्यासाठी अनेक महिने घालवले. गेल्या आठवड्यात, सर्वोच्च न्यायालयाने बाजार नियामक सेबीला अदानी समूहाची चौकशी तीन महिन्यांत पूर्ण करण्याचे आदेश दिल्यानंतर, त्यांच्या कंपन्यांच्या समभागांमध्ये जोरदार वाढ झाली आहे. यासोबतच या प्रकरणाची अधिक चौकशी करण्याची गरज नसल्याचे सुप्रीम कोर्टाने म्हटले होते.
सर्वोच्च न्यायालयाच्या निर्णयानंतर गौतम अदानी यांच्या संपत्तीत अंदाजे १३.३ अब्ज डॉलरची वाढ झाली आहे. अदानी समूह पुढील दशकात आपले व्यवसाय पर्यावरणपूरक बनवण्यासाठी $१०० अब्ज गुंतवण्याची योजना आखत आहे. यासोबतच या समूहाच्या व्यवसायातही झपाट्याने विविधता आणली जात आहे. त्याच्या नवीन व्यवसायांमध्ये डेटा सेंटर्स, आर्टिफिशियल इंटेलिजन्स, विमानतळ आणि मीडिया यांचा समावेश आहे.अदानी एंटरप्रायझेसच्या युनिट अदानी डेटा नेटवर्क्सने ५G स्पेक्ट्रम लिलावात ४००MHz स्पेक्ट्रम सुमारे २१२ कोटी रुपयांना विकत घेतले होते. अदानी समूहाने सांगितले होते की, या स्पेक्ट्रमचा वापर त्यांच्या डेटा सेंटरसाठी तसेच त्यांच्या व्यवसायाला समर्थन देण्यासाठी तयार करण्यात येत असलेल्या अॅपसाठी करण्याची त्यांची योजना आहे.
