#CoronaVirus: कोरोना लस 225 रुपयांना उपलब्ध होणार, सिरम इन्स्टिट्यूटचा बिल गेट्स फाऊंडेशनसोबत 10 कोटी डोसचा करार
पुणे: कोरोना विषाणूच्या वाढत्या प्रादुर्भावामुळे जागतिक पातळीवर कहर केलेला आहे. त्यामुळे सर्वांच्या नजरा कोरोना प्रतिबंधात्मक लसीकडे लागल्या आहेत. अशा परिस्थितीत सिरम इन्स्टिट्यूटच्या लस उत्पादनासंदर्भात एक महत्त्वपूर्ण करार झालेला आहे. त्यामुळे आता सिरमची कोरोना लस साधारण 225 रुपयांना उपलब्ध होणार आहे. यासंदर्भात इन्स्टिट्यूटचे मुख्य कार्यकारी अधिकारी आदर पूनावाला यांनी ट्विटद्वारे ही माहिती दिलेली आहे.
सिरम इन्स्टिट्यूटचा बिल गेट्स फाउंडेशनबरोबर महत्त्वपूर्ण करार झालेला आहे. या करारानुसार बिल गेट फाउंडेशन सिरम इन्स्टिट्यूटमध्ये तब्बल 150 मिलियन डॉलर गुंतवणूक करणार आहेत. या माध्यमातून सिरम इन्स्टिट्यूट तब्बल 100 मिलियन डोस तयार करणार आहेत. भारताबरोबर मध्यमवर्गीय आणि कमी उत्पन्न असणाऱ्या देशांमध्ये डोस दिले जाणार आहे. या लसीच्या एका डॉलरची किंमत ही तीन डॉलर असणार आहे. जगातील तब्बल 92 देशांमध्ये ही लस उपलब्ध करुन दिली जाणार आहे. लसीला जागतिक आरोग्य संघटनेची मान्यता मिळाल्यानंतर मोठ्या प्रमाणात उत्पादन वाढविण्यात येणार आहे. या माध्यमातून जास्तीत जास्त गरजवंतांना फायदा देण्याचा प्रयत्न होणार आहे.