10 ग्रॅम सोन्याचा दर पुन्हा एकदा दीड लाखांच्या पार; चांदीची चमकही वाढली, जाणून घ्या तुमच्या शहरातील आजचे दर
Gold Silver Price Today: भारतीय सराफा बाजारात आज सोन्याच्या किमतीत पुन्हा वाढ झाली आहे. आज, 16 एप्रिल 2026 रोजी सोन्याच्या दरात प्रति 10 ग्रॅममागे तब्बल 1420 रुपयांची वाढ झाली असून, 24 कॅरेट सोन्याचा भाव 1.55 लाख रुपयांच्या पुढे गेला आहे. केवळ सोनेच नाही, तर चांदीच्या दरातही मोठी वाढ पाहायला मिळत आहे.
येत्या 19 एप्रिल रोजी अक्षय्य तृतीया हा सण साजरा होणार आहे. या मुहूर्तावर सोने खरेदी करणे शुभ मानले जात असल्याने ग्राहकांकडून आणि ज्वेलर्सकडून मोठी मागणी येत आहे. यासोबतच अमेरिका आणि इराणमधील तणाव कमी झाल्याच्या बातम्या आणि डॉलर इंडेक्समधील घसरण यामुळे सोन्याच्या दरात ही प्रचंड तेजी आली आहे.
हेही वाचा – महिला आरक्षणाशी संबंधित तीन विधेयके लोकसभेत सादर ; ‘या’ विधेयकांमुळे देशात काय बदल होणार आहे? वाचा
प्रमुख शहरांमधील आजचे दर (प्रति 10 ग्रॅम):
दिल्ली
24 कॅरेट: 1,55,510 रुपये
22 कॅरेट: 1,42,560 रुपये
मुंबई
24 कॅरेट: 1,55,360 रुपये
22 कॅरेट: 1,42,410 रुपये
कोलकाता
24 कॅरेट: 1,55,360 रुपये
22 कॅरेट: 1,42,410 रुपये
चेन्नई
24 कॅरेट: 1,56,230 रुपये
22 कॅरेट: 1,43,210 रुपये
बेंगळूरू
24 कॅरेट: 1,55,360 रुपये
22 कॅरेट: 1,42,410 रुपये
हैदराबाद
24 कॅरेट: 1,55,360 रुपये
22 कॅरेट: 1,42,410 रुपये
अहमदाबाद
24 कॅरेट: 1,55,410 रुपये
22 कॅरेट: 1,42,460 रुपये
पुणे
24 कॅरेट: 1,55,360 रुपये
22 कॅरेट: 1,42,410 रुपये
लखनऊ
24 कॅरेट: 1,55,510 रुपये
22 कॅरेट: 1,42,560 रुपये
सोन्यासोबतच चांदीच्या दरातही मोठी वाढ पाहायला मिळाली आहे. आज देशात चांदीचा दर 2,70,100 रुपये प्रति किलो या विक्रमी पातळीवर पोहोचला आहे. तर प्रति 10 ग्रॅमसाठी ग्राहकांना 2,701 रुपये मोजावे लागत आहेत.
आंतरराष्ट्रीय बाजारात डॉलर कमकुवत झाल्याने इतर चलनांमध्ये सोने खरेदी करणे स्वस्त झाले आहे, परिणामी मागणी वाढली आहे. अमेरिकेतील फेडरल रिझर्व्ह लवकरच व्याजदर कपात करण्याची शक्यता असल्याने गुंतवणूकदार सुरक्षित गुंतवणूक म्हणून सोन्याकडे वळत आहेत. अक्षय्य तृतीयेनिमित्त होणारी ॲडव्हान्स बुकिंग आणि वाढलेली मागणी.
शुद्ध सोने (२४-कॅरेट) अत्यंत मऊ असते, त्यामुळे ते सहज वाकू शकते किंवा तुटू शकते. म्हणूनच २४-कॅरेटचे दागिने रोज वापरण्यासाठी योग्य मानले जात नाहीत.
१४-कॅरेट (14K): हे सोने जास्त मजबूत आणि टिकाऊ असते. त्यामुळे अंगठ्या किंवा साखळी यांसारख्या रोज वापरल्या जाणाऱ्या दागिन्यांसाठी हा सर्वोत्तम पर्याय आहे.
१८-कॅरेट (18K): हे दागिने दिसायला अधिक पिवळसर आणि उठावदार असतात. विशेष समारंभ किंवा स्टाईल दाखवण्यासाठी १८-कॅरेटचे दागिने अधिक उपयुक्त ठरतात.
