Mumbai-Pune Expressway : मुंबई-पुणे द्रुतगती महामार्गावर उद्या पुन्हा ब्लॉक
Mumbai-Pune Expressway : यशवंतराव चव्हाण द्रुतगती महामार्गावर हायवे ट्रॅफीक मॅनेजमेंट सिस्टम अंतर्गत मुंबई व पुणे वाहिनीवर ढेकू गावाजवळ गॅन्ट्री उभारण्याचे काम सुरू आहे. यासाठी उद्या ८ नोव्हेंबर रोजी दुपारी अर्धा तासांसाठी वाहतुक बंद असणार आहे.
मुंबई व पुणे वाहिनीवर ढेकू गावाजवळ गॅन्ट्री उभारण्याचे काम महाराष्ट्र राज्य रस्ते विकास महामंडळामार्फत सुरू असून ८ नोव्हेंबर रोजी दुपारी २ ते २.३० या वेळेत पुण्याहून मुंबईकडे जाणारी आणि दुपारी २.३० ते ३.०० या वेळेत मुंबईहून पुण्याकडे येणारी वाहतूक पूर्णत: बंद राहणार असल्याची माहिती महाराष्ट्र राज्य रस्ते विकास महामंडळाने दिली आहे.
हेही वाचा – ‘मराठ्यांना सरसकट कुणबी प्रमाणपत्र देण्यास आमचा विरोध’; काँग्रेस नेत्याचं विधान
#यशवंतरावचव्हाणद्रुतगती मार्गावर ढेकू गाव येथे गॅन्ट्री उभारण्याचे काम सुरू. ८ नोव्हेंबर रोजी दुपारी २ ते २.३० या वेळेत पुण्याहून मुंबईकडे जाणारी आणि दुपारी २.३० ते ३.०० या वेळेत मुंबईहून पुण्याकडे येणारी वाहतूक पूर्णत: बंद राहणार- महाराष्ट्र राज्य रस्ते विकास महामंडळाची माहिती
— DISTRICT INFORMATION OFFICE, PUNE (@Info_Pune) November 7, 2023
काम पुर्ण झाल्यावर दुपारी २.३० वाजता पुण्याहून मुंबईकडे जाणारी आणि दुपारी ३.०० वाजता मुंबईहून पुण्याकडे येणारी वाहतूक पुन्हा सुरु करण्यात येईल, असेही कळविण्यात आले आहे.
