पाकिस्तानला ७ विकेट्सने धूळ चारत भारताचा दणदणीत विजय; हरमनप्रीतचा विजयी षटकार

Women’s Asia Cup : भारताने महिला आशिया चषकातील पाकिस्तानविरुद्धच्या सामन्यात शानदार विजय नोंदवला आहे. टीम इंडियाने पाकिस्तानचा ७ विकेट्सने पराभव करत सामन्यावर वर्चस्व गाजवले. पाकिस्तानने भारतासमोर अवघ्या ५६ धावांचे लक्ष्य ठेवले होते. भारताने हे लक्ष्य केवळ ८.४ षटकांत ३ विकेट्सच्या मोबदल्यात पूर्ण केले.

या सामन्यात भारताकडून दमदार फलंदाजी पाहायला मिळाली. पाकिस्तानने दिलेले छोटे लक्ष्य भारतीय फलंदाजांनी कोणतीही अडचण न येऊ देता गाठले. कर्णधार हरमनप्रीत कौरने विजयी षटकार लगावत भारताच्या विजयावर शिक्कामोर्तब केले.

हेही वाचा –  मागासवर्गीय विद्यार्थ्यांना जात वैधता प्रमाणपत्रासाठी पुन्हा ३ महिन्यांची मुदतवाढ

पाकिस्तानची कर्णधार फातिमा सनाने गोलंदाजीत भारताला काही प्रमाणात अडचणीत आणले. तिने भारताच्या ३ फलंदाजांना बाद करत चांगली झुंज दिली. मात्र, तिच्याशिवाय पाकिस्तानच्या इतर गोलंदाजांना भारतीय फलंदाजांवर प्रभाव पाडता आला नाही.

पाकिस्तानचा उर्वरित संघ भारताच्या आक्रमक खेळासमोर निष्प्रभ ठरला. अखेर भारताने अवघ्या ८.४ षटकांत लक्ष्य गाठत पाकिस्तानवर दणदणीत विजय मिळवला.

महाईन्यूज-X वर फॉलो करा : महाईन्यूजला instagram वर फॉलो करा