शिंदेवस्ती, महानगाव येथे श्री मच्छिंद्रनाथ व श्री गुरुदेव दत्त महाराजांच्या भव्य मंदिर-मूर्ती स्थापना महोत्सवाचा जल्लोष!
भक्तिभाव, अध्यात्म आणि परंपरेचा संगम – हजारोंच्या उपस्थितीत तीन दिवसांचे दिव्य आयोजन
महानगाव (ता. पारनेर) | नाथसंप्रदायाच्या कृपाशिर्वादाने व शिंदे परिवाराच्या पुढाकाराने शिंदेवस्ती, महानगाव येथे श्री मच्छिंद्रनाथ महाराज व श्री गुरुदेव दत्त महाराज यांच्या भव्य मंदिराचे बांधकाम पूर्ण झाले असून, मंदिरातील मूर्ती-स्थापना व कलशारोहण सोहळा ६ ते ८ ऑक्टोबर २०२५ दरम्यान भक्तिभावाने पार पडणार आहे.
या पवित्र धार्मिक उत्सवात शांतीपाठ, गणेशपूजन, हवन, मूर्ती मिरवणूक, जलाधिवास आणि कलशारोहण अशा विविध धार्मिक विधी होणार असून, ८ ऑक्टोबर रोजी सकाळी ११:३० ते १२:०० वाजता श्री महंत योगी बेलनाथ महाराज यांच्या हस्ते मुख्य मूर्ती स्थापना व कलशारोहण सोहळा पार पडणार आहे. या मंगलप्रसंगी सुप्रसिद्ध नाथभक्त गायक श्री आकाश शिंदे यांचे भक्तिगायन सादर होणार असून, परिसर भक्तिरसाने भारावून जाणार आहे. हजारो भक्तांची उपस्थिती अपेक्षित आहे.
हेही वाचा : आदिवासी बांधवांसाठी आणि आनंदवन-लोकबिरादरी प्रकल्पासाठी दीपावलीच्या भेटवस्तूंचे वितरण
स्वतंत्र मुद्दा: आयोजन समितीचा संघटित पुढाकार
या भव्य महोत्सवाचे आयोजन श्री कान्होबा देवस्थान, शिंदे परिवार, आई गोरक्षनाथ आश्रम, राजेवाडी व श्री चैतन्य मच्छिंद्रनाथ मंदिर, मधरान यांच्या संयुक्त विद्यमाने करण्यात आले असून, अध्यक्ष श्री रोहिदास सिताराम शिंदे, तसेच विश्वस्त श्री निवृत्ती रामभाऊ शिंदे, श्री दत्तात्रय रामचंद्र शिंदे, श्री विष्णू राघू शिंदे, श्री तानाजी हिरामण शिंदे, आणि श्री युवराज दादा नामदेव शिंदे यांनी उत्सवाच्या यशस्वी आयोजनासाठी विशेष परिश्रम घेतले आहेत.
