शहरातील सव्वातीन लाख बालकांना गोवर-रुबेला लसीकरण
पिंपरी, (महा-ई-न्यूज) – महापालिकेच्या कार्यक्षेत्रात शासनाच्या मार्गदर्शक सूचनेनुसार राबविण्यात आलेल्या गोवर-रुबेला लसीकरण मोहिमेत सोमवार (दि. 17) पर्यंत 3 लाख 21 हजार 486 बालकांना गोवर-रुबेला प्रतिबंधक लस देण्यात आली आहे.
या मोहिमेला 27 नोव्हेंबर पासून सुरूवात झाली. महापालिकेंतर्गत 913 मनपा आणि खासगी शाळा, नर्सरी, बालवाडी, अंगणवाडी व मनपा रुग्णालयांमध्ये लसीकरण मोहीम राबविण्यात आले. आजअखेर 3 लाख 21 हजार 486 बालकांना ही लस देण्यात आली. लसीकरण मोहिमेत 6 लाख 16 हजार 193 बालकांना लस देण्याचे उद्दीष्ट आहे.
शालाबाह्य बालके व ज्या बालकांना अद्याप गोवर-रुबेला लसीकरण झाले नाही. अशा बालकांसाठी बाह्य संपर्क लसीकरण सत्रांचे आयोजन केले आहे. लसीकरणासाठी पालकांनी नजिकचे मनपा दावाखाने व रुग्णालयाच्या प्रभारी वैद्यकीय अधिकारी, पीएचएन, एनएम यांच्याशी संपर्क साधावा. मोहिमेचे उद्दीष्ट पूर्ण करण्यासाठी नागरिकांनी साहकार्य करावे, असे आवाहन अतिरिक्त आरोग्य वैद्यकीय अधिकारी डॉ. पवन साळवे यांनी केले आहे.