breaking-newsUncategorizedताज्या घडामोडीपिंपरी / चिंचवड
योगामुळे माणसाचा सर्वांगीण विकास होतो- एकनाथ पवार
पिंपरी – प्रत्येक व्यक्तीचे शारिरीक व मानसिक आरोग्य सदृढ राहिल्यास तो कोणत्याही क्षेत्रात चांगले योगदान देऊ शकतो. माणसाच्या बुध्दीमत्तेत व स्मृतीमध्ये वाढ होण्यासाठी योगाभ्यासाचे विशेष महत्त्व आहे. योग ही संकल्पना मनुष्याच्या निर्मितीसाठी आहे. त्यातून माणसाचा सर्वांगीण विकास होऊन सुखशांती प्राप्त होते, असे मत पिंपरी-चिंचवड महापालिकेचे सत्तारुढ पक्षनेते एकनाथ पवार यांनी व्यक्त केले.
जागतिक योगदिनानिमित्त पिंपरी-चिंचवड महानगरपालिकेचे सत्तारुढ पक्षनेते एकनाथ पवार प्रभाग क्रमांक 11 कृष्णानगर येथील साईकृष्ण उद्यानामध्ये योगसाने व प्राणायामासाठी विशेष कार्यक्रम घेण्यात आला. यावेळी योग तज्ज ऐर्श्वर्या जोशी यांनी योगासनांची प्रात्याक्षिके करून दाखविली. तसेच, उपस्थितांना योगाअभ्यासाविषयी माहिती दिली. या कार्यक्रमाचा सुमारे 500 नागरिकांनी लाभ घेतला.