बस 300 फुट दरीत कोसळून 10 विद्यार्थ्यांचा मृत्यू, 50 हून अधिक जखमी

बसमध्ये पहिलीपासून आठवी इयत्तेपर्यंतचे जवळपास 67 विद्यार्थी होते. महाल-बर्डीपाडा घाटात चालकाचं बसवरील नियंत्रण सुटल्याने हा अपघात झाल्याची प्राथमिक माहिती आहे. शबरीधाम, पंपा सरोवर आणि महाल कॅम्प पाहिल्यानंतर घरी परतत असताना हा अपघात झाला आहे. अमरोली गावातील खासगी शिकवणी क्लासेसची ही बस होती. सर्व विद्यार्थी अमरेली येथील रहिवासी आहेत असं समजतंय. संध्याकाळी 6 वाजण्याच्या सुमारास हा अपघात झाल्याची माहिती आहे. घटनास्थळी बचाव पथकाने स्थानिकांसोबत मिळून विद्यार्थ्यांना दरीतून बाहेर काढले आणि रुग्णालयात दाखल केले आहे.