नेपाळी संघटनांना भारताविरुद्ध प्रदर्शन करण्यासाठी 2.5 कोटी रुपये दिले
चीन नेपाळमधील संघटनांना भारताविरोधात प्रदर्शन करण्यासाठी पैसे पुरवत आहे. गुप्तचर विभागाने सांगितल्याप्रमाणे, चीनने भारतच्या सीमेवर असलेल्या भागांमध्ये काम करणाऱ्या अनेक संघटनांना यासाठी तयार करत आहे. या संघटनांना भारत-चीन सीमा वादाविरोधात प्रदर्शन करण्यास सांगितले जात आहे. यासाठी चीनी दूतावासने नेपाळी संघटनांना 2.5 कोटी रुपये दिले आहेत.
भारत आणि नेपाळदरम्यान, 1700 किमी. लांब सीमा आहे. भारतने लिपुलेखपासून धारचूलापर्यंत रस्ता बनवला आहे. संरक्षण मंत्री राजनाथ सिंह यांनी 8 मे रोजी व्हिडिओ कॉन्फ्रेंसिंगद्वारे या रस्त्याचे उद्घाटन केले. यानंतर नेपाळने नवीन नकाशा जारी करुन भारताचे तीन भाग नेपाळमध्ये असल्याचे दाखवले. यात लिपुलेख, कालापानी आणि लिम्पियाधुराला नेपाळमध्ये असल्याचे दाखवले आहे. दोन्ही देशांमध्ये या तीन भागांवरुन वाद सुरू आहे.
चीनने गोरखा तरुणांवर स्टडी करण्यासाठी काठमांडूच्या एका एनजीओला 12.7 लाख नेपाळी रुपये दिले आहेत. चीन हे माहित करुन घेत आहे की, गोरखा समाजातील तरुण भारतीय सैन्यात भरती का होत आहेत. जूनच्या पहिल्या आठवड्यात नेपाळमध्ये चीनच्या राजदूत होउ यानकीने नेपाळी एनजीओ चाइना स्टडी सेंटर (सीएससी) ला फंड दिला होता.