कंगना संरक्षण मंत्री राजनाथ सिंह यांच्या भेटीला, ‘तेजस’ चा शुभारंभ
कंगना रणौतने तिच्या ट्विटर हॅंडलवर काही फोटो शेअर केले आहेत. अभिनेत्री कंगना रणौत आणि तिच्या टीमने आगामी ‘तेजस’ सिनेमाबाबत देशाचे संरक्षण मंत्री राजनाथ सिंह यांची भेट घेतली. तसेच कंगनाने आपल्या सिनेमासाठी त्यांच्याकडून आशीर्वाद घेतला आणि वायुसेनेकडूनही काही आवश्यक परवानग्या घेतल्या आहेत. भेटीचे फोटो कंगना रणौतने तिच्या ट्विटर हॅंडलवर काही फोटो शेअर केले आहेत. ज्यात ती तिच्या टीमसोबत संरक्षण मंत्री राजनाथ सिंह यांच्यासोबत दिसत आहे. त्यासोबतच कंगना रणौतने लिहिले की, ‘आज संरक्षण मंत्री राजनाथ सिंह यांचा आशीर्वाद घेतला आणि ‘तेजस’ ची स्क्रीप्ट दिली. वायुसेनेसोबत सिनेमाची स्टोरी शेअर केली आणि आवश्कत त्या परवानग्या घेतल्या. जय हिंद’.
‘तेजस’या आगामी सिनेमात कंगना रणौत एका फायटर पायलटच्या भूमिकेत दिसणार आहे. इंडियन एअरफोर्स २०१६ मध्ये महिलांना लढाऊ भूमिकेत सामिल करून घेणारी देशातील पहिली डिफेन्स फोर्स होती. ऐतिहासिक घटनेवर आधारित या सिनेमांचे दिग्दर्शन सर्वेश मेवाडा करणार आहेत.
दरम्यान कंगना रणौत ‘तेजस’सोबत तामिळनाडुच्या दिवंगत मुख्यमंत्री जयललिता यांचा बायोपिक ‘थलायवी’मध्ये तसेच ‘धाकड’मध्येही दिसणार आहे.