भारतरत्न पुरस्कार कोणाला दिला जातो? पुरस्कारामध्ये काय मिळते? वाचा सविस्तर..

Bharat Ratna Award | भारतीय जनता पक्षाचे ज्येष्ठ नेते आणि माजी उपपंतप्रधान लालकृष्ण आडवाणी यांना भारतरत्न जाहीर करण्यात आला आहे. पंतप्रधान नरेंद्र मोदी यांनी याबाबतची माहिती दिली आहे. मात्र आज आपण भारतरत्न पुरस्कारासंदर्भात सविस्तर माहिती जाणून घेऊयात…

भारतरत्न पुरस्कार कोणाला दिला जातो?

राजकारण, कला, साहित्य आणि विज्ञान या क्षेत्रातील कोणत्याही विचारवंत, शास्त्रज्ञ, उद्योगपती, लेखक आणि समाजसेवकाला भारत सरकारकडून हा सन्मान दिला जातो.

भारतरत्न पुरस्कार प्रथम कोणाला मिळाला?

देशातील पहिला भारतरत्न स्वतंत्र भारताचे पहिले गव्हर्नर जनरल चक्रवर्ती राजगोपालाचारी, माजी राष्ट्रपती डॉ. सर्वपल्ली राधाकृष्णन आणि शास्त्रज्ञ डॉ. चंद्रशेखर व्यंकट रमण यांना प्रदान करण्यात आला आहे. या तिघांना भारत सरकारने १९५४ मध्ये देशाचा सर्वोच्च सन्मान प्रदान केला होता.

हेही वाचा    –      पंतप्रधान मोदींच्या महाराष्ट्र दौऱ्यावरून शरद पवारांची खोचक टीका!

भारतरत्नसाठी निवडणूक कशी होते?

भारताचे पंतप्रधान ‘भारतरत्न’ पुरस्कारासाठी राष्ट्रपतींकडे विशिष्ट व्यक्तीच्या नावाची शिफारस करतात. राष्ट्रपतींनी नामनिर्देशित केल्यानंतर भारतरत्न प्राप्तकर्त्यांची अधिकृतपणे भारतीय राजपत्रात अधिसूचना जारी करून घोषणा केली जाते.

भारतरत्न पुरस्कारामध्ये काय मिळते?

भारत सरकार भारतरत्न प्रदान करणाऱ्या व्यक्तीला प्रमाणपत्र आणि पदक प्रदान करते. देशाच्या सर्वोच्च नागरी सन्मानासह कोणतीही रक्कम दिली जात नाही. मात्र भारतरत्न मिळालेल्या व्यक्तीला सरकारी विभाग सुविधा मिळतात.

भारतरत्न पुरस्कार कसा असतो?

भारतरत्न पदकामध्ये तांब्यापासून बनवलेल्या पिंपळाच्या पानावर प्लॅटिनमचा चमकणारा सूर्य असतो. या पानाची धारही प्लॅटिनमची असते. याच्या खाली हिंदीमध्ये चांदीमध्ये भारतरत्न लिहिले आहे. तर त्याच्या मागील बाजूस अशोक स्तंभाच्या खाली हिंदीत सत्यमेव जयते लिहिलेले आहे.