संसदेच्या कर्मचाऱ्यांचा गणवेश बदलला, शर्टवर ‘कमळा’ची फुलं
Parliament Uniform : केंद्र सरकारने १८ ते २२ सप्टेंबरला संसदेचं विशेष अधिवेशन बोलावलं आहे. नव्या संसदेतील विशेष अधिवेशनात कर्मचारी नवीन गणवेशात दिसणार आहेत. नवीन गणवेशात बंद गळ्याच्या सूटची जागा कमळाचे चित्र असलेला शर्ट व मणिपुरी टोपी घेणार आहे.
जांभळ्या, तपकिरी व गडद गुलाबी रंगाचे नेहरू जॅकेट व कमळाच्या फुलाचे चिन्ह असा शर्ट असेल, तर खाकी रंगाची पँट असेल. संसदेच्या दोन्ही पीठासीन अधिकाऱ्यांच्या बाजूला असलेले ‘मार्शल’ही आता सफारी सूटऐवजी क्रीम रंगाचा कुर्ता आणि पायजमा व मणिपुरी पगडी अशा गणवेशात दिसतील. महिला कर्मचारी नवीन नक्षीच्या साड्यांमध्ये दिसतील. सचिवालयात काम करणारे अधिकारी-कर्मचारीही बंद गळ्याच्या सूटऐवजी गुलाबी किंवा किरमिजी रंगाचे नेहरू जॅकेट घालतील.
हेही वाचा – ‘ओबीसींना राजकीय आरक्षण नको म्हणून भाजपचेच पदाधिकारी कोर्टात गेले’; रोहित पवार यांचा आरोप
Employees of the Parliament will soon be seen in new uniforms for their respective departments, from the five-day special session of Parliament. The session begins on September 18: Sources pic.twitter.com/1X5oKC5ZgR
— ANI (@ANI) September 13, 2023
विशेष अधिवेशनाच्या पहिल्या दिवशी, १८ सप्टेंबर रोजी सध्याच्या संसद भवनात बैठक होणार आहे. दुसऱ्या दिवशी, १९ सप्टेंबर रोजी गणेश चतुर्थीला पूजा केल्यानंतर नव्या संसदेत विधिवत प्रवेश होईल.