धक्कादायक! मैत्रिणीला घेऊन जंगलात जाणे जीवावर बेतले; युवकावर वाघाचा हल्ला

मृतक युवक आपल्या मैत्रीणीसोबत दुचाकीने उसेगाव जंगल परिसरात फिरायला गेला होता. हे दोघे जगलाच्या आतील भागात पोहोचले. तेथे दबा धरून बसलेल्या वाघाने युवकावर अचानक हल्ला केला. त्यानंतर वाघाने या युवकाला जंगलात फरफटत नेले. ही माहिती मृतक युवकासोबत असलेल्या मुलीने लोकांना दिली.

जवळपास दोन तासापर्यंत शोध मोहीम राबविल्यानंतर युवकाचा मृतदेह आढळून आला. घटनेची माहिती मिळताच, वनविभाग आणि पोलीस विभागाचे कर्मचारी घटनास्थळी पोहोचले. घटनास्थळाचा पंचनामा करून मृतदेह शवविच्छेदनासाठी वडसा येथील सामान्य रुग्णालयात पाठविण्यात आले असल्याची माहिती देसाईगंजचे पोलीस निरीक्षक महेश मेश्राम यांनी दिलेली आहे. पुढील तपास वन विभाग आणि देसाईगंज पोलीस विभाग करीत आहेत.