Indrayani Thadi-2023 : ‘इंद्रायणी थंडी 2023’ महोत्सवाची जय्यत तयारी सुरू
२५ ते २९ जानेवारी दरम्यान भोसरीत महोत्सव
भोसरी : महिला सक्षमीकरण, नवोदितांना संधी या संकल्पनेतून दरवर्षी ‘इंद्रायणी थडी महोत्सव’ आयोजित केला जातो. यावर्षीही या महोत्सवाची जोरदार तयारी सुरू झाली आहे. या कार्यक्रमाचे विशेष म्हणजे भाजप नेत्यांच्या प्रतिकृती पुतळे या ठिकाणी उभारण्यात येणार आहेत. भोसरीसह पिंपरी चिंचवड शहर या महोत्सवाची आतुरतेने वाट पाहत आहे.
हा कार्यक्रम पिंपरी-चिंचवड भाजपचे शहराध्यक्ष व आमदार महेश लांडगे आणि शिवांजली सखी मंचच्या अध्यक्षा पूजा लांडगे यांच्या पुढाकाराने आयोजित करण्यात आला आहे. महाराष्ट्रातील सर्वात मोठा ‘इंद्रायणी थडी-2023’ महोत्सव 25 जानेवारी पासून भोसरी येथील गावजत्रा मैदानावर आयोजित करण्यात आला आहे. 25 ते 29 जानेवारी 2023 दरम्यान हा महोत्सव आयोजित केला आहे.
या महोत्सवात खाद्यसंस्कृती, ग्रामसंस्कृती, हस्तकला, अयोध्येतील भगवान श्रीराम मंदिराची प्रतिकृती, ग्रामसंस्कृती, पाटील वाडा, विनोदी मेळा, ऐतिहासिक शस्त्र प्रदर्शन, पुस्तक प्रदर्शन, मुलांचा मेळा, मॅजिक शो, फॅशन शो, नृत्य स्पर्धा आदींचे आयोजन करण्यात आले आहे. यंदा तब्बल १७ एकर जागेत संपूर्ण महाराष्ट्रातील १ हजार स्टॉल उभारण्यात आले आहेत.
