विरोधकांनी पराभव स्वीकारावा आणि आत्मपरीक्षण करावे; मुख्यमंत्री देवेंद्र फडणवीसांनी दिला सल्ला
नागपूर : बिहारमध्ये झालेल्या प्रचंड विजयानंतर एनडीएवर होणाऱ्या टीकेला मुख्यमंत्री देवेंद्र फडणवीस यांनी शनिवारी प्रत्युत्तर दिले. जो जिंकतो तो सम्राट होतो असे प्रतिपादन करत, त्यांनी विरोधकांना पराभव स्वीकारण्यास, चुका ओळखण्यास आणि आत्मपरीक्षण करण्यास सांगितले. ते एका कार्यक्रमात पत्रकारांशी बोलत होते.
भाजप आणि जद(यू) या दोन मुख्य घटकांचा समावेश असलेल्या सत्ताधारी राष्ट्रीय लोकशाही आघाडीने शुक्रवारी सत्ता टिकवून ठेवण्यासाठी बिहारमध्ये काँग्रेस, राजद आणि इतर पक्षांच्या महागठबंधनचा पराभव केला. फडणवीस बोलताना म्हणाले की, ऐसा हैं की जो जीता वही सिकंदर (गोष्ट अशी आहे की, जो जिंकतो तो सम्राट बनतो). पराभवानंतर, एखाद्याने निकाल स्वीकारला पाहिजे. चुका मान्य केल्या पाहिजेत आणि आत्मपरीक्षण केले पाहिजे. तथापि, आमचे विरोधक आत्मपरीक्षण करू इच्छित नाहीत.
हेही वाचा – आयपीएलमधील सर्व 10 फ्रँचायझींकडून रिटेन आणि रिलीज खेळाडूंची यादी जाहीर
जेव्हा विरोधी पक्ष सत्तेत होते (पूर्वी बिहारमध्ये), तेव्हा त्यांना विविध सार्वजनिक कल्याणकारी योजना राबवण्याची संधी होती. परंतु त्यांनी तसे केले नाही. आम्ही एनडीएने हाती घेतलेल्या योजना लोकांना आवडल्या आणि त्यांनी आम्हाला मतदान केले, असे ते म्हणाले. काँग्रेस नेते राहुल गांधी यांनी बिहार निवडणुका सुरुवातीपासूनच निष्पक्ष नव्हत्या या विधानाबद्दल विचारले असता, फडणवीस म्हणाले की जोपर्यंत ते आत्मपरीक्षण करत नाहीत, तोपर्यंत त्यांचा पक्ष अशा अपमानजनक पराभवांना तोंड देत राहील.
