पोटाच्या अल्सरच्या रुग्णांमध्ये मोठी वाढ

महाराष्ट्र : खाण्या-पिण्याच्या सवयींमध्ये बदल, अपुरी झोप, तेलकट आणि मसालेदार पदार्थांचे सेवन, खराब पचन यामुळे शारीरिक आरोग्य धोक्यात येऊ शकते. पण अलीकडे पचनाच्या समस्या वाढू लागल्या आहेत. पचनसंस्था बिघडल्यानंतर पोटदुखी, गॅस, बद्धकोष्ठता, ॲसिडिटी अशा अनेक समस्या उद्भवू लागतात. अनेकजण या छोट्या-छोट्या समस्यांकडे दुर्लक्ष करतात. पण भविष्यात या छोट्या समस्या मोठ्या समस्या बनण्याची शक्यता आहे. त्यामुळे आरोग्याकडे योग्य लक्ष देणे गरजेचे आहे.

पोटाच्या अल्सरला गॅस्ट्रिक अल्सर म्हणतात. या पोटाच्या किंवा लहान आतड्याच्या अस्तरावरील जखमा आहेत. अल्सरची लक्षणे भिन्न असू शकतात आणि काही प्रकरणांमध्ये कोणतीही लक्षणे दिसत नाहीत.

अलीकडे पोटाच्या अल्सरच्या रुग्णांमध्ये मोठी वाढ झाली आहे. पोटाच्या अल्सरमुळे अनेक प्रकारच्या समस्या उद्भवू लागतात. पोटात अल्सर झाल्यानंतर, लहान आतड्याच्या अल्सर तयार होतात. त्यामुळे पोटदुखी, ॲसिडिटी अशा अनेक समस्या वाढू लागतात. या समस्या वाढल्या तर आरोग्याची योग्य काळजी घ्या.

पोटात जळजळ
पोटात जळजळ आणि सूज येणे ही गॅस्ट्रिक अल्सरची पहिले लक्षण आहेत. यावेळी उपचार करून घेतल्यास व्रण निघून जाऊ शकतो, परंतु केवळ अँटासिड्स घेत राहिल्यास धोका वाढू शकतो.

पोटाच्या वरच्या भागात दुखणे

ओटी पोटात दुखणे, पोटदुखी इत्यादी लक्षणे जाणवतात. पण काही लोक या लक्षणांकडे दुर्लक्ष करतात. पण असे केल्याने रोगाचा धोका वाढू शकतो. त्यामुळे पोटाशी संबंधित समस्या असल्यास डॉक्टरांच्या सल्ल्याने औषधे घ्यावे. तसेच डॉक्टरांकडून योग्य उपचार सुरू करावे.

वारंवार ढेकर येणे

अपचन किंवाअॅसिडिटीची समस्या वारंवार होत असल्यास डॉक्टरांचा सल्ला घ्या आणि वेळीच उपचार सूरू करावे.

वजन कमी होणे

आरोग्याची कोणतीही गंभीर समस्या असल्यास, वजन अचानक कमी होऊ शकते. वजन कमी झाल्यानंतर शरीराला थकवा आणि अशक्तपणा जाणवू लागतो. पोटात अल्सर झाल्यानंतर अचानक वजन कमी होते, याशिवाय या आजारामुळे भूक कमी लागते. ज्याचा परिणाम वजनावर होतो. त्यामुळे पोटाशी संबंधित कोणतीही समस्या जाणवल्यास डॉक्टरांच्या सल्ल्याने औषध घ्यावे.

मळमळ जाणवणे

पोटात अल्सर आल्यावर मळमळ जाणवते. त्यामुळे काहीही खाण्याची किंवा पिण्याची इच्छा होत नाही. काही खाल्ल्यानंतरही वारंवार उलट्या होतात. मळमळ झाल्यास ताबडतोब डॉक्टरांचा सल्ला घ्या आणि औषध घेऊन उपचार करा.

पुढील लक्षणे दिसतात
खाल्ल्यानंतर खूप पोट भरल्यासारखे वाटणे

छातीत जळजळ होणे

रक्ताच्या उलट्या

भूक न लागणे किंवा खाण्याची इच्छा नसणे

पोटात होणाऱ्या वेदना छातीपर्यंत येतात