मातोश्रीवरील चौघांसाठी ईडीची नोटीस तयार, नारायण राणेंचं स्फोटक ट्विट
मुंबई | प्रतिनिधी
केंद्रीय मंत्री नारायण राणे यांनी स्फोटक ट्विट केलं आहे. या ट्विटद्वारे शिवसेनेला गंभीर इशारा दिला आहे. मातोश्रीवरील चौघांसाठी ईडीची नोटीस तयार असल्याचं राणेंनी म्हटलं आहे. तसेच शिवसेनेचे खासदार विनायक राऊत यांना लवकरच खास बातमी मिळेल, असा इशारा नारायण राणे यांनी ट्विटद्वारे दिला आहे.
सुशांत सिंह आणि दिशा सालियान प्रकरणी चौकशी
बॉलिवूड अभिनेता सुशांतसिंग राजपूत आणि अभिनेत्री दिशा सालियन यांचाही उल्लेख केला आहे. या दोघांनी आत्महच्या केली नसून त्यांची हत्या करण्यात आली आहे. तसेच दिशा सालियनचा सामूहिक बलात्कार करुन तिची हत्या करण्यात आली आहे”, असा गंभीर आरोपही राणेंनी या ट्विटमधून केला आहे. या दोघांच्या मृत्यची पुन्हा चौकशी केली जाणार असल्याचा इशाराही राणेंनी दिला.
खासदार विनायक राऊत यांच्यासाठी खास बातमी
लवकरच सुशांतसिंग व सामुदायिक बलात्कार करून तिची हत्या केली त्या दिशा सालियन या दोघांचीही आत्महत्या नव्हे हत्या झाली त्यांचीही चौकशी परत होईल एवढेच नाही तर मातोश्रीच्या चौघांवर ईडीची नोटीस तयार असल्याचे कळाले.— Narayan Rane (@MeNarayanRane) February 18, 2022