युरोपमधील करोना विषाणूबळींची संख्या १ लाख १० हजारांवर पोहोचली आहे. युरोप हा या महासाथीचा सर्वाधिक फटका बसलेला खंड ठरला असून, तेथे करोनाबाधितांची एकूण १२ लाख ४६ हजार ८४० प्रकरणे नोंदवण्यात आली आहेत व त्यापैकी १,१०,१९२ लोक मृत्युमुखी पडले आहेत. जगभरात करोना विषाणूने १ लाख ७७ हजार ३६८ बळी घेतले आहेत. युरोपचा विचार करता, इटलीमध्ये २४,६४८, स्पेनमध्ये २१,७१७, फ्रान्समध्ये २०,७९६ आणि ब्रिटनमध्ये १७,३३७ लोक करोनाचे बळी ठरले आहेत.
