breaking-newsताज्या घडामोडी
#CoronaVirus: मालेगावचे आयुक्त चौथ्या दिवशी कोरोनामुक्त
करोनाचा उद्रेक झालेल्या मालेगावात आपत्कालीन व्यवस्थेचे नेतृत्व करणारे दस्तुरखुद्द आयुक्तच करोना बाधित झाल्याचे आढळून आल्याने जेवढी खळबळ उडाली होती,तेवढाच दिलासा देणारी बातमी आता समोर आली आहे. करोना बाधित झालेले आयुक्त चारच दिवसात करोनामुक्त झाल्याचे निष्पन्न झाल्याने सर्वांच्याच भुवया उंचावल्या आहेत. तर दुसरीकडे रविवारी मालेगाव शहरात नव्याने सात रुग्णांची वाढ झाल्याने शहर व तालुक्यातील करोना बाधितांची संख्या ६३३ झाली असून नाशिक जिल्ह्यातील रुग्णांची संख्या ७८९ वर पोहचली आहे.