#CoronaVirus: महाराष्ट्रात दोन दिवसात 19 हजारांपेक्षा जास्त रुग्ण, बाधितांची चार लाखांकडे वाटचाल

मुंबई : राज्यात कोरोना रुग्णांची संख्या प्रचंड गतीने वाढत आहे. विशेष म्हणजे दोन दिवसात 19 हजार 510 नवे रुग्ण आढळले आहेत. त्यामुळे बाधितांचा आकडा 3 लाख 57 हजार 117 वर पोहोचला आहे. राज्यात काल (23 जुलै) 9 हजार 895 नव्या रुग्णांची नोंद झालेली होती. तर आज (24 जुलै) 9 हजार 615 नवे कोरोनाबाधित आढळले आहेत. विशेष म्हणजे 22 जुलै रोजी सर्वाधिक 10 हजार 576 नवे रुग्ण आढळले होते. त्यामुळे चिंता देखील वाढलेली आहे.