मुंबई | करोना व्हायरसच्या या युद्धात सिनेसृष्टीतील अनेक सेलिब्रिटी मदतीसाठी पुढे आले आहेत. काही कलाकारांनी पंतप्रधान सहाय्यता निधीसाठी आर्थिक मदत केली आहे तर अनेकांनी मुख्यमंत्री सहाय्यता निधीसाठी मदत देऊ केली आहे. अनेक सेलिब्रिटींनी डॉक्टर आणि इतर वैद्यकीय कर्मचाऱ्यांसाठी पीपीई किट्स दिलेत.
अभिनेता अक्षय कुमारनं देखील दिवस रात्र करोनाविरुद्ध लढणाऱ्या पोलिसांना २ कोटींची मदत केली आहे. मुंबईचे पोलीस आयुक्त यांच्या ट्विटर अकाऊंटवर ट्विट करत याची माहिती दिली आहे. त्यांनी अक्षयचे आभार देखील मानले आहेत. शहराचे रक्षण करण्यासाठी वचनबद्ध असलेल्या मुंबई पोलिसांच्या जीवनाचे रक्षण करण्यासाठी आपले योगदान महत्त्वाचे ठरेल’, असं त्यांनी म्हटलं आहे. अक्षयनं यापूर्वी देखील मुंबई महानगर पालिकेला तीन कोटींची मदत केली होती. मुंबईतील करोना रुग्णांची संख्या देखील दिवसेंदिवस वाढत आहेत.
