बँकांचे व्यवहार करणाऱ्यांसाठी महत्वाची बातमी! जून महिन्यात तब्बल 13 दिवस बँका राहणार बंद, जाणून घ्या सुट्ट्यांची यादी
June Bank Holidays 2026 : मे महिना संपत आला असून, जून महिना सुरु होण्यास एका दिवसाचा अवधी बाकी आहे. जून 2026 मध्ये, देशभरातील बँका अनेक दिवस बंद राहणार आहेत. यामध्ये साप्ताहिक सुट्ट्या, तसेच प्रादेशिक आणि राष्ट्रीय सुट्ट्यांचा समावेश आहे. ‘नेगोशिएबल इन्स्ट्रुमेंट्स ॲक्ट’नुसार, भारतीय रिझर्व्ह बँकेने (RBI) काही विशिष्ट सुट्ट्या निश्चित केल्या आहेत, ज्या राज्यानुसार वेगवेगळ्या असू शकतात.
ग्राहकांनी या तारखांची माहिती घ्यावी, जेणेकरून ते त्यानुसार आपल्या बँकिंग व्यवहारांचे नियोजन करू शकतील. परिणामी, जून महिन्यात विविध राज्यांमध्ये बँका एकूण 11 ते 13 दिवस बंद राहतील. यापैकी 6 (4 रविवार आणि 2 शनिवार) नियमित सुट्ट्या असतील, तर उर्वरित सुट्ट्या राज्य आणि स्थानिक सणांनुसार बदलतील. बँकेच्या शाखा बंद असूनही, ग्राहक डिजिटल बँकिंग सेवांचा लाभ घेऊ शकतात. यामध्ये यूपीआय व्यवहार , नेट बँकिंग, मोबाईल बँकिंग आणि एटीएममधून रोख रक्कम काढणे यांचा समावेश आहे.
साप्ताहिक सुट्ट्या केव्हा आहेत?
7 जून, 2026- रविवार
13 जून, 2026 – दुसरा शनिवार
14 जून, 2026 – रविवार
21 जून, 2026 – रविवार
27 जून, 2026- चौथा शनिवार
28 जून, 2026- रविवार
इतर सुट्ट्या केव्हा आहेत?
15 जून (सोमवार) – राजा संक्रांती आणि वायएमए दिनानिमित्त फक्त ओडिशा आणि मिझोरममध्ये बँका बंद राहतील.
17 जून (बुधवार) – महाराणा प्रताप जयंतीनिमित्त हरियाणा, हिमाचल प्रदेश आणि राजस्थानमध्ये बँका बंद राहतील.
18 जून (गुरुवार) – गुरु अर्जुन देव यांच्या हौतात्म्य दिनानिमित्त फक्त पंजाबमध्ये बँका बंद राहतील.
25 जून (गुरुवार) – मोहरम निमित्त विजयवाडा आणि आंध्र प्रदेशमध्ये बँका बंद राहतील.
26 जून (शुक्रवार) – मोहरम (आशुरा) निमित्त दिल्ली ते मुंबई, कोलकाता, बंगळूर, चेन्नई, हैदराबाद, भोपाळ आणि पाटणा यांसारख्या देशभरातील बहुतांश राज्यांमध्ये बँका बंद राहतील.
महाईन्यूज-X वर फॉलो करा : महाईन्यूजला instagram वर फॉलो करा
