महिलेने विरोध केल्यानंतर कुटुंबीयांनी महिलेला मारहाण केल्याची संतापजनक घटना

सेलू तालुक्यातील डासाळा येथे १० ऑगस्टला महिला घरामध्ये असताना दिराने तिचा वाईट उद्देशाने हात धरला. यावेळी महिलेने याला विरोध केला. घडलेला प्रकार तिने नातेवाईकांना सांगितला. मात्र, तिची मदत करण्याऐवजी नातेवाईकांनी तिलाच महिलेला मारहाण केली. तर दिराकडून गेल्या तीन महिन्यांपासून असा प्रकार करत असल्याचंही तक्रारीमध्ये नमूद करण्यात आलं आहे.

या सर्व प्रकाराला कंटाळलेल्या महिलेने अखेर सेलू पोलीस ठाणे गाठून तक्रार दिली आहे. त्यावरून दिर आणि सासरच्या व्यक्तींविरोधात गुन्हा दाखल करण्यात आला आहे. दरम्यान, घटनास्थळी सेलू पोलीस ठाण्याचे पोलीस निरीक्षक रावसाहेब गडेवाड, सहाय्यक पोलीस उपनिरीक्षक विठ्ठल राठोड यांनी भेट दिली आहे. सदरील घटनेचा तपास सहाय्यक पोलीस उपनिरीक्षक विठ्ठल राठोड हे करीत आहेत. दरम्यान, काही दिवसापूर्वीच परभणीच्या पाथरी तालुक्यात मुलगी घरामध्ये एकटी झोपली असताना जन्मदात्या बापानेच मुलीचा विनयभंग केल्याची घटना घडली होती.

तीन महिन्यापासून सुरु होता प्रकार

तीन महिन्या पासून घरामध्ये दीड विवाहित महिलेचा हात घेऊन वारंवार विनयभंग करत होता. त्यामुळे या प्रकाराला महिला चांगलीच कंटाळली होती. तर दुसरीकडे सासरच्या मंडळीकडून दिराला कुठलीही समज दिली जात नव्हती. उलट विवाहातेलाच मारहाण करण्यात आली. त्यामुळे या प्रकाराला कंटाळलेल्या विवाहितेने अखेर सेलु पोलीस ठाणे गाठून तक्रार दिली आहे. त्यावरून गुन्हा दाखल करण्यात आला आहे. घटनेचा अधिक तपास पोलीस करत आहेत.