प्राज इंडस्ट्रीजचे संस्थापक डॉ. प्रमोद चौधरी यांना मानद डॉक्टरेट प्रदान

पिंपरी-चिंचवड : जैवऊर्जा आणि कृषी-प्रक्रिया तंत्रज्ञान क्षेत्रातील जागतिक कीर्तीचे नाव आणि प्राज इंडस्ट्रीजचे संस्थापक अध्यक्ष डॉ. प्रमोद चौधरी यांना डी. वाय. पाटील इंटरनॅशनल युनिव्हर्सिटी (DYPIU), आकुर्डी तर्फे ‘मानद डॉक्टरेट’ (Honoris Causa) प्रदान करून गौरविण्यात आले. विद्यापीठाच्या विशेष दीक्षांत समारंभात त्यांच्या गौरवपूर्ण कामगिरीचा सन्मान करण्यात आला.

​शाश्वत विकास आणि पर्यावरणपूरक तंत्रज्ञान क्षेत्रात डॉ. चौधरी यांनी दिलेल्या योगदानाची दखल घेऊन हा सन्मान देण्यात आला. सत्काराला उत्तर देताना डॉ. चौधरी यांनी आपल्या आठवणींना उजाळा दिला. ते म्हणाले, “१९८३ मध्ये जेव्हा मी प्राजची सुरुवात केली, तेव्हा ‘व्हेंचर कॅपिटल’ ही संकल्पना बँकांनाही ठाऊक नव्हती. आजच्या काळात उद्योजकता जोपासण्यासाठी चिकाटी आणि नवकल्पनांवर विश्वास ठेवणे अत्यंत आवश्यक आहे.”

हेही वाचा –  गँगस्टर बनायचं होतं, मित्रांसोबत मिळून थेट..; रोहित शेट्टी गोळीबार प्रकरणात आणखी एकाला अटक, मोठा खुलासा

शिक्षण धोरणावर दिला भर…

राष्ट्रीय शिक्षण धोरण २०२० च्या प्रभावी अंमलबजावणीवर त्यांनी यावेळी विशेष भर दिला. केवळ पुस्तकी ज्ञान न मिळवता विद्यार्थ्यांनी सर्जनशीलता, चिकित्सक विचार आणि उद्योजकीय कौशल्ये आत्मसात करावीत, असे आवाहन त्यांनी केले. तसेच नामांकित संस्था आणि अनुभवी व्यावसायिकांच्या सहकार्याने विद्यार्थ्यांच्या प्रगतीचे मार्ग अधिक सुलभ होतील, असेही त्यांनी नमूद केले.

अकॅडेमिया आणि उद्योगांचे नाते होणार घट्ट…

कुलगुरू प्रा. मनीष भल्ला यांनी विद्यापीठाच्या शैक्षणिक गुणवत्तेबद्दल माहिती दिली आणि उद्योग विश्वाशी असलेले सहकार्य अधिक दृढ करण्याचा मानस व्यक्त केला. कार्यक्रमाची सुरुवात गणपती पूजनाने झाली. या प्रसंगी विविध संस्थांचे वरिष्ठ शैक्षणिक नेते, अधिष्ठाते, संचालक, प्राध्यापक आणि मान्यवर मोठ्या संख्येने उपस्थित होते.
​हा दीक्षांत समारंभ विद्यार्थ्यांसाठी केवळ एक

महाईन्यूज-X वर फॉलो करा : महाईन्यूजला instagram वर फॉलो करा

​”शिक्षण क्षेत्र आणि उद्योग जगत यांनी हातात हात घालून काम करणे काळाची गरज आहे. आजच्या तरुणांनी केवळ पदवी मिळवण्यावर लक्ष केंद्रित न करता सर्जनशीलता (Creativity) आणि चिकित्सक विचार (Critical Thinking) विकसित करण्यावर भर द्यावा. राष्ट्रीय शिक्षण धोरण २०२० मुळे विद्यार्थ्यांना उद्योजकीय कौशल्ये आत्मसात करण्याची मोठी संधी उपलब्ध झाली आहे. शाश्वत विकासासाठी नवकल्पनांवर (Innovation) विश्वास ठेवा आणि जिद्दीने काम करा, यश नक्कीच मिळेल.”

– डॉ. प्रमोद चौधरी, संस्थापक, प्राज इंडस्ट्रिज.