14 वर्षापर्यंतची मुले वगळता सर्व प्रवाश्यांना आरोग्य सेतु अ‍ॅप डाउनलोड करणे बंधनकारक

कोरोनाव्हायरसमुळे देशातील देशांतर्गत उड्डाणे 25 मार्चपासून बंद आहेत. परंतु आता 25 मे पासून काही देशांतर्गत उड्डाणे सुरू होतील असे नागरी उड्डाण मंत्री हरदीपसिंग पुरी यांनी बुधवारी सांगितले. भारतीय विमानतळ प्राधिकरणाने (एएआय) देखील प्रवासी आणि विमानतळ ऑपरेटरसाठी आज स्टँडर्ड ऑपरेटिंग प्रक्रिया (एसओपी) जाहीर केली आहे. यानुसार, 14 वर्षापर्यंतची मुले वगळता सर्व प्रवाश्यांना आरोग्य सेतु अ‍ॅप डाउनलोड करणे आवश्यक आहे.

भारतीय विमानतळ प्राधिकरणानुसार, राज्य सरकार आणि प्रशासनाला सार्वजनिक वाहतूक आणि खासगी टॅक्सी उपलब्ध करण्यास सांगितले आहे. जेणेकरून प्रवासी आणि विमानतळ कर्मचार्‍यांना संपर्क साधता येईल. आपण वैयक्तिक वाहनाद्वारे देखील जाऊ शकता.