आयपीएल २०२७ मध्ये खेळणार की नाही? एमएस धोनीचे मोठे विधान; म्हणाला,..
MS Dhoni | इंडियन प्रीमियर लीगच्या आगामी हंगामात भारताचा माजी कर्णधार महेंद्रसिंह धोनी पुन्हा पिवळ्या जर्सीत मैदानात दिसणार का, यावर अखेर ‘कॅप्टन कूल’ने मौन सोडले आहे. बंगळुरू येथे आयोजित एका आरोग्यविषयक कार्यक्रमात बोलताना धोनीने आपल्या आयपीएलमधील भवितव्याविषयी महत्त्वपूर्ण संकेत दिले असून, आगामी हंगामात खेळण्याबाबतचा अंतिम निर्णय डिसेंबर महिन्यापूर्वी घेतला जाईल, असे स्पष्ट केले आहे. पायाच्या स्नायूंच्या दुखापतीमुळे धोनीला आयपीएल २०२६ च्या संपूर्ण मोसमाला मुकावे लागले होते, त्यामुळे त्याच्या पुनरागमनाकडे जगभरातील चाहत्यांचे डोळे लागले आहेत.
कार्यक्रमादरम्यान पुढील हंगामात खेळण्याच्या शक्यतेविषयी विचारले असता धोनी आपल्या नेहमीच्या मिश्किल शैलीत म्हणाला, “आधी मला डॉक्टरांकडून फिटनेस चाचण्या पूर्ण करून घ्याव्या लागतील. डॉक्टरांनी मला अहवाल दिल्यानंतर, आणखी एक हंगाम खेळण्यासाठी माझे शरीर कितपत सक्षम आहे, हे मला डिसेंबरपूर्वी तपासावे लागेल.”
हेही वाचा
इंद्रायणीनगरमध्ये आरोग्य सुविधांना मिळणार बळ!
स्वतःच्या तंदुरुस्तीवर गमतीशीर भाष्य करताना धोनी पुढे म्हणाला, “जर मी पूर्णपणे तंदुरुस्त नसेन, तर डॉक्टरांनाच माझ्यावर योग्य उपचार करून मला तयार करावे लागेल. हे जुनं व्हिंटेज वाहन रस्त्यावर पुन्हा व्यवस्थित धावेल याची खात्री त्यांनाच करावी लागेल, त्यामुळे आता सगळा दबाव डॉक्टरांवरच आहे!”
धोनीच्या या विधानावरून हे स्पष्ट झाले आहे की, तो अद्याप मैदानात उतरण्यास पूर्णपणे उत्सुक असला, तरी शरीराची साथ आणि डॉक्टरांचा अहवाल यावरच त्याचा अंतिम निर्णय ठरणार आहे.
महाईन्यूज-X वर फॉलो करा : महाईन्यूजला instagram वर फॉलो करा
